Skip to main content

شوف يا سى بابا انت و الست ماما بتعملوا فينا ايه

عاوزه كل واحده تقرى الكلام ده بقلبها قبل ما تقراه عيونها



اكيد حتعرفوا نفسكم  ايوه انتى ماما والراجل اللى جنبك ده بابا و
،،،،،،،،،،،،،،،،،،،،،،،،،،،،



أنابنوته اموره عندي 3 سنين صغيره اه بس بعرف اقرى واكتب







ماما بتقول عليا زكيه وهبقا دكتوره



انا وحيده مع بابا وماما في بلد مش بلدنا



ماما قالتلي ان احنا هنا علشان مفيش شغل في مصر وهنا احسن



انا معرفش مصر دي



بش شوفت الاهرامات في التليفزيون وشوفت شارع الهرم كمان





بابا علطول في الشغل وماما معايا في البيت



حياتنا عاديه





بس انا حياتي معرفش فيها حد غير مامتي وبابايا بس

















هما كل حياتي



ماليش اخوات



ماما هى صاحبتي واختي



وبابا ابن الجيران اللي بلعب معاه



هى دي حياتي الحلوه اللي مبسوطه بيها اوووووووي







بشوف كرتون باباي كل يوم











وصوت ضحكتي ماما بتسمعه وهى في المطبخ









وكل يوم بابا يجي من الشغل واول ما اسمع صوت الباب



اجري بعجلتي علشان ابوسه اول ما يدخل من الباب





بس يا خساره مش بعرف اسوق العجله حلو



بحط رجل ع العجله ورجل بزق بيها على الارض



معلش بقا لسه صغيره وبتعلم



هو ده يومي



بس في يوم كان ولا كل الايام



هقولكم اللي انا شوفته وفهمته



وياريت تفهموني



لاني انا لسه صغيره ومش بفهم زيكم يا كبار



كنت واقفه ع باب الاوضه



وشوفت بابا وماما بيتخانقوا والصوت عالي اووووووي



خفت اووووي ووقفت بعيد عنهم وانا بعيط وحاضنه عروستي علشان اطمنها



لانها كانت خايفه اوووي من اللي بيحصل



كنت بنادي عليهم باااااابااااا مااااااااماااااااا



بس باين ما سمعونيش



لانهم كملوا زعيق



بس شوفت بابا بيضرب ماما



وماما بتعيط جااااااامد وانا كمان قعدت اعيطط علشانها اوووي



من كتر ما كنت بعيط وبصرخ مش عارفه حصل ايه بعد كده



علشان انا غمضت عيوني



حسيت انه كرتوون وحش اوووي مش عاوزه اكمله



مش فاكره حصل ايه



بس بعد حبه مكنش بابا في البيت



وماما نايمه ع السرير بتعيط



روحت قعدت جنبها وقعدت اطبطب عليها انا وعروستي





بس ماما مبطلتش عياط



مع اني لما بعيط وماما بتجي تحضني انا ببطل عياط علشان خاطرها



بس ماما فضلت تعيط



وبصتلي وقالتلي حاجه مفهمتهاش



يمكن انتم تفهموها





قالتلي شوفتي يا بنتي



بابا عمل فياايه وانا هنا لوحدي ومفيش حد اروحه



طبطبت عليها وقولتلها ما تزعليش انا هنا



لقيتها بصتلي بحزن وغمضت عنيها ونامت



وانا خدت عروستي



وروحت قعدت لوحدي ومعرفتش اعمل ايه



لوكنتم مكاني كنتوا هتعملوا ايه







بس في حاجه غريبه حصلت



بعد كام يوم بابا جاب اكل من بره وجابلي زبادي بالفراوله اللي انا بحبه والفراخ اللي ماما بتحبها



وماما حضرت الاكل وقعدنا ناكل سوا



وكانوا بيتكلموا وبيضحكوا



وانا قاعده مش فاهمه حاجه



هما بابا وماما دول

ولا اللي كانوا من يومين



مكلتش الزبادي وقعدت افكر



هو فين ماما وبابا

دول ولا دول



حسيت اني توهت و معرفتش حاجه

وف الاخر دخلت نمت وسيبتهم قاعدين

خدت عروستي في حضني وقولت ياربنا متغيرش بابا وماما تاني



انا بحب دول مش بحب التنيين اصلا وحشيين وبيزعلوني اوي ياربنا

انا بحب بابا وماما دول متغيرهومش تاني بقا ياربنا علشان احبك



وبعدها روحت في النوم ومش فاكره حاجه تاني بقا





×××××××××××××××××××××××××



دي مش قصه منقوله ولا قصة خيال قصدي منها عبره ولا موعظه



دي قصه بجدد بكل تفاصيلها



بس الفرق ان البنت مكتبتش الكلام ده وهى عندها 3 سنين

هى كتبته وهى عندها 20 سنه

بس حبت توصلهولكم باحساسها وهى صغيره



اللي بعد 17 سنه لسه فاكره اللي حصلها



يمكن الاحداث تختلف شويه بس ده ميغيرش من الواقع حاجه



{ كنت مفكره ان القصه دي عندي انا لوحدي وبس ومينفعش اقولها لحد

بس المحتاره والفضفضه عرفوني ان في اطفاااال كتير زي البنت دي في كل بيت



وللاسف صغر سنهم وعجزهم عن توصيل مشاعرهم بالكلام كان السبب في انهم ما يوصلكمش الشعور والاحساس ده



بس انا بوصلكم الكلام ده بالنيابه عن كل بنت او ولد مرت بنفس الموقف او بموقف شبيه بيه



حاولت اوصلكم رساله بقلم بنت عندها 20 سنه تحمل احساس طفله عندها 3 سنوات



كل حرف كنت قصداه كل حرف حسيت معاه بالحنين للطفوله وحسره ع احساس معبرتش عنه الا بعد 17 سنه



يمكن بقا بالنسب هالي مجرد ذكرى بس اكيد انه لغيري واقع  شايفينه على طول و كتيرر



}}



تقبلو تحيات احساس طفله عايش جوا كل اطفالكم



وياريت تحسوا بيه
بجد ده بيحصل فعلا لازم ناخد بالنا اووى




ونحافظ على مشاعر ولادنا




علشان تفهموا ولادكم صح


لو الموضوع عجبك ردي وقولي رايك



ولو شايفه اانه حاجه هايفه برضه ردي وقولي رايك



ما تخفيش الاطفال ما بيزعلوش






Comments

Popular posts from this blog

الدهان بالمدهب والورق المدهب شرحا واجمالا

وهناك طرق عديدة فى عمل مثل هذا النوع من الديكور فهو يستخدم فى الاطارات والبراويز والاثاث والموبيليا عامة والمتاحف والفنادق وترميم القطع الاثرية خاصة وغيره اولا سوف نحتاج الى ادوات وعدد للعمل 1- وسادة وسكين تقطيع ورق الذهب 2- مشط لحمل ورق الذهب ولصقه على القطعة 3- مجموعة من اقلام او مسترك خاصة بالتذهيب 4- ورق سنفرة (120-180-320-500) 5-اداة العقيق او مصقلة ثانيا سوف نحتاج الى الخامات اللازمة للعمل 1- ورق الذهب او الفضة ويوجد منه انواع وخامات مختلفة حسب الرغبة والذوق 2- ماده اكريليكية شديدة الالتصاق او كبريتات الكالسيوم المائية مضاف اليه الغراء 3- الغراء وهو نوع خاص يسمى غراء الارنب او غراء السمك 4- بولى او طينة حمرة ثالثا خطوات العمل والتنفيذ 1- قم بتحضير الغراء لانه ليسمادة سائلة فهو عبارة عن حبيبات او قطع يتم كسرها ثم وضعها فى اناء به ماء بنسبه 100 جرام غراء على 1 لتر ماء ويترك الى اليوم التالى حتى يمتص الغراء الماء وفى اليوم التالى قم بتسخين الغراء مع التقليب حتى الحصول على مادة سائلة ونصيحة لا تترك الغراء يغلى حتى لا يفقد الالتصاق 2- فى حين استخدمت البولى او الطينه الحم

دليل الأطباء وتليفوناتهم مع العنوان

دكتور شادى جمال السعدنى اسم الطبيب اطباء جراحة العظام التخصص بورسعيد المحافظة دبلوما وماجستير جراحه العظام , دراسات دكتوراة الدرجة العلمية الوظيفية 0124698046 التليفون اخصائى جراحه العظام والمفاصل والعمود الفقرى بالمستشفى العسكرى ببورسعيد . جامعه المنصورة. عضو الجمعيه المصريه لجراحه العظام. العياده:بورسعيد ارض العزب بجوار مطعم سرحان وصيدليه صابر. ت العيادة:0663236922 التفاصيل طب عين شمس - القاهرة - مصر . التفاصيل -------------------------------------------------------------------------------- صبحى خليل محمد أبو لوز اسم الطبيب اطباء النساء والتوليد التخصص القاهره المحافظة استاذ النساء والتوليد الدرجة العلمية الوظيفية التليفون استاذ النساء والتوليد طب عين شمس - القاهرة - مصر . التفاصيل -------------------------------------------------------------------------------- محمد ناجى المخزنجى اسم الطبيب اطباء النساء والتوليد التخصص القاهره المحافظة استاذ دكتور الدرجة العلمية الوظيفية التليفون

جددى كراسى السفرة بنفسك

شوفوا يا قمرات بنتى الغالية خريجة مدارس لغات جبت لها مدرس عربى فى البيت هى وصحبتها والله مدرس عاوز هو نفسه ياخد درس ما عليناالبيه كانت بياخد عكمة فلوس كل اول شهر مش مهم البيه المدرس مسكتش اما عمل البيت سنتر وجاب معاه  خمس بنات تانين وكان بيديهم عندى الدرس  فين على السفرة بتاعتى المهم كل ما انضف اسبوعبا الاقى الكراسى هبطت جبت منجد وقلت له اعمل ايه انا عاوزة انجدهم قالى الواحد يكلفك 120 جنيه يا لهووووووووووى يعنى الكراسى ب8 فى 120 مسكتتش قعدت الف وادور لغاية معرفت ازاى انجد كرسى السفرة الفصل الاول البدايه انا هكتب الحاجات اللى هتجبيهم عشان تعملية بس هتحتاجى مساعدة بسيطة من  ابو العيال طبعا. اول حاجة العدة : *المقص *دباسة خشب(احنا بنستخدم شاكوش تنجيد ) *مسدس شمع *قماش *شمع *دبوس خشب(مسمار اسود لو شاكوش) *قماش ابيض خفيف اسمو عبك *لوح سفنج كثافة(احنا بنستخدم حاجة اسمها كرينة) *شريط مطاط(احنا بنستخد شريط شد كتان +سوست خامة عالية"فرنساوى") *شريط حرف ...........يلا نبدأ.......... اولا جوزك الشطور هيكون فاكك التنجيد القديم خاااااالص ميخليش فى الخش