Translate

Tuesday, May 26, 2015

أقوى المـاسـكـات الرائـعـه لجمـال شعرك وملمـس كالحريـر
لجميع انواع الشعر

اولا القهوة والعسل

يعمل هذا الماسك على
1-تنعيم الشعر ومنع تقصيفة وهيشانه بفضل القهوة
2-التخلص من القشرة بفضل العسل
3-تطويل الشعر
مكوناته
قهوة ( البن) فاتح اللون وسادة+ عسل ابيض+ كوب ماء +
زجاجة رشاش+ ورق قصدير
الطريقة
1- كوب ماء
2- تضعى فيه عدد ملاعق القهوة على حسب طول شعرك
3- اغلى القهوة جيدا
4- قومى بتصفيه القهوة حينتج من نتيجة التصفيه دى
لوسوين القهوة ودى ميه القهوة و تنيه القهوة او القهوة المطبوخه او تفل القهوة اللى هو بيبقى فى قعر الكوب وبيبقى موجود فى المصفاة
5- حتضعى فى طبق مية القهوة اللوسيون عليه ملعقة عسل ابيض وتقلبيه جيدا وتضعيه فى زجاجة بخاخ
و فى طبق اخر تنيه القهوة اللى هى التفل تضعى عليها ملعقة ماء واحدة فقط وتقلبيها جيدا
طريقة الاستخدام
1-تدخلى تاخدى الشاور بتاعك وتغسلى شعرك جيدا بالشامبو
2- تنشفى شعرك كويس بالفوطة ثم تاخدى الماسك وورق القصدير
معاكى الحمام تقسمى شعرك لاربع اقسام وتضعى فى كل قسم لوسيون القهوة بالعسل ع الفروة فقط بينما الشعر نفسه حتضعى عليه القهوة المطبوخة ( تفل القهوة) كانك بتضعى حنه على شعرك
3- تلفى شعرك كويس بورق القصدير
4- تركيه لمدة ساعه ثم تدخلى تغسلى شعرك بالشامبو مرة اخرى
5- اثناءالتسريح تضعى على الشعر اى كريم مرطب لشعرك
مدة الاستخدام
من مرة الى مرتين بالاسبوع

ثانيا القهوة والمايونيز


يعمل هذا الماسك على
1-تنعيم الشعر بفضل القهوة والمايونيز
2- تطرية الشعر بفضل المايونيز
3-منع تقصيفة وهيشانه بفضل القهوة


مكوناته
قهوة سادة فاتحة اللون + مايونيز سادة من السوبر ماركت
الطريقة
نفس الطريقة السابقة بس ضعى على تنية ( تفل) القهوة
مايونيز عدد ملاعق المايونيز على حسب طول شعرك
وقلبي جيدا
ثم ضعيه على الشعر نفسه تنيه القهوة بالمايونيز ولف الشعر بورق قصدير
لمدة ساعه وبعد الساعه تغسلى شعرك بالشامبو جيدا
مدة الاستخدام
من مرة الى مرتين فالاسبوع

ثالثا القهوة والحلبة المطحونة


يعمل هذا الماسك على
1-تنعيم الشعر بفضل القهوة والحلبة المطحونة
2-منع تقصيفة وهيشانه بفضل القهوة
انا وضعت قهوة مع الحلبة لان القهوة تقضى على رائحة الحلبة الكريهه
مكوناته
قهوة سادة فاتحة اللون+ حلبة مطحونة
الطريقة
1-كوب ماء
2- ضعى فيه عدد ملاعق القهوةوالحلبة على حسب طول شعرك
3- يتم غليهم جيدا وتصفيتهم كويس جدا
4- تقومى بوضع تفل القهوة مع الحلبة على شعرك كله
5- تلفى شعرك بورق قصدير كويس
6- بعد الساعه تغسلى شعرك كويس جداااااااااااا بالشامبو
7- اثناء التسريح تضعى مخمرية وئام حسان على شعرك
عشان تحسن من ريحة شعرك شوية عشان برضوا بتبقى الريحة مش لطيفةبسبب الحلبة
وانا مش بفضل الطريقة دى للمتزوجين عشان الرائحة على فكرة
انا جربت الطريقة دى مرة واحدة ومجربتهاش تانى بسبب الرائحة
عشان الحلبة اللى عايز يجربها براحته حلوة وبتجيب نتيجة ولكن اثناء التسريح يجب وضع المخمرية للقضاء على رائحة الحلبة
مع ان القهوة بتقضى على رائحة الحلبة بس برضوا بتفضل ليها ريحة مميزة
تستخدم من مرة الى مرتين بالاسبوع

رابعا عصير المووووووز المركز

يعمل هذا الماسك على
تنعيم الشعر وجعل ملمسة حرير بفضل الموز
المكونات
موز (عدد الموزات على حسب طول شعرك) +
شوية ماء + خلاط كهربائى
الطريقة
حتضعى الموز فى الخلاط مع شوية ماء صغيرين يا دوبك يمشوا الخلاط ويتم ضربهم بالخلاط جيداااااااا عشان ميكونش فيه قطع موز صحيحة
وتضعى على الشعر كله كانه حمام كريم وتلفى شعرك بورق قصدير وتتركية لمدة ساعه ثم تغسلى شعرك بالشامبو
مدة الاستخدام
من مرة الى 3 مرات بالاسبوع

خامسا الموز والقهوة والمايونيز

يعمل هذا الماسك على
1-تنعيم الشعر بفضل القهوة والموز والمايونيز
2-منع تقصيفة وهيشانه بفضل القهوة
المكونات
موز عدد الموزات على حسب طول شعرك
القهوة + مايونيز سادة
الطريقة
1- تقومى بهرس الموز جيدا بحيث مش يبقى فيه اى قطع صحيحة
كانك بتهرسى الباطاطس اللبوية لما بتعمليها تخلى الموز كده فى ملمس البطاطس البورية
2- تعملى طريقة القهوة مع المايوينز فى الطريقة الثانيه
3- حتخلطيهم كلهم مع بعض جيدا وتضعهيهم عالشعر نفسه
4- لمدة ساعه ويغسل بالشامبو
مدة الاستخدام
من مرة الى مرتين بالاسبوع

سادسا المحلب المطحون ( سابلة)
يعمل هذا الماسك على
1-تنعيم الشعر بفضل المحلب
2- تطرية الشعر بفضل الجلسرين
المحلب المطحون رائحته حلو ةكتيير
وموجود عند العطارين وفى منه اللون البيج المتوسط والاسود
كما بالصورة

شعرك ناشف وخشن و مقصف وهايش  تعااالى جربى اقوى وصفاتى للتخلص منها نهائيا بفضل الله
http://files2.fatakat.com/2013/11/13855026354662.png


شعرك ناشف وخشن و مقصف وهايش  تعااالى جربى اقوى وصفاتى للتخلص منها نهائيا بفضل الله
http://files2.fatakat.com/2013/11/13855026687946.jpg

طمنونى صور المحلب ظاهرة ولا لأ؟
المكونات
محلب مطحون+ جلسرين
الطريقة
1- تسخنى المحلب المطحون عالنار عدد ملاعق المحلب على حسب طول شعرك وبعدين تشليه
2- تضعى عليه ملعقة نص كبيرة جلسرين وتقلبيه جيدا
3- تضعيه على الشعر لمدة ساعتين مع لف الشعر
بورق قصدير ثم يغسل
مدة الاستخدام
مرتين بالاسبوع

سابعا المحلب المطحون مع نواة التمر المطحون
شكل نواة التمر كما بالصورة
شعرك ناشف وخشن و مقصف وهايش  تعااالى جربى اقوى وصفاتى للتخلص منها نهائيا بفضل الله



طمنونى صورة نواة التمر ظاهرة ولا لأ؟
يعمل هذا الماسك على
1-تنعيم الشعر بفضل المحلب المطحون
2-
تطويل الشعر بفضل نواة التمر المطحون
3- تطرية الشعر وتغذية بفضل الزبادى او الروب باللهجة اللبنانية او الياغورت باللهجة الجزائرية
المكونات
محلب مطحون+ نواة تمر مطحون + زبادى
الطريقة
تسخنى المحلب ونواة التمر المطحونين على نار وتشيليهم
ثم تضعى الزبادى عدد الملاعق على حسب طول شعرك
وتقلبيهم جيدا
تضعيهم على الشعر نفسه لمدة ساعتين مع لف الشعر بورق قصدير ثم يغسل بالشامبو
مدة الاستخدام
مرتين بالاسبوع

معلومة هامة
بالنسبة لماسك الشعر بالمحلب المطحون فقط او
بالمحلب المطحون مع نواة التمر المطحون
تقومى اولا بتسخينه على النار كأنك بتحمصية
ثم تطحنيهم بالمطحنة الكهربائية ليصبحوا مثل البودر
ويستخدموا على حسب طريقة كل واحد فيهم
كما بالصورة

شعرك ناشف وخشن و مقصف وهايش  تعااالى جربى اقوى وصفاتى للتخلص منها نهائيا بفضل الله


ثامنا الزبادى والقهوة

يعمل هذا الماسك على
1-تنعيم الشعر بفضل القهوة
2- تطرية وتغذية الشعر بفضل الزبادى
3- منع تقصف الشعر وهيشانه بفضل القهوة
المكونات
قهوة(بن سادة فاتح) + زبادى
الطريقة
حتعملى نفس الطريقة الاولى بس حتضعى
على تفل القهوة الزبادى وبتكون طبعا عدد الملاعق على حسب طول شعرك وتقلبيهم جيدا وتضعيهم عالشعر نفسه لمدة ساعه ويغسل بالشامبو
مدة الاستخدام
مرة بالاسبوع

تاسعا الزبادى والخميرة


يعمل هذا الماسك على
1-تطريةوتغذية الشعر بفضل الزبادى
2-
تطويل الشعر بفضل الخميرة

المكونات
زبادى+ خميرة ممكن تكون بودرة ( فورية)
او طازجة اللى هى بتبقى قطع من الفرن
الطريقة
1- عدد ملاعق الزبادى على حسب طول شعرك
2- بتضعى عليها الخميرة لو بودرة ( الفورية) عدد الملاعق على حسب طول شعرك
ولو طازجة قطع من الفرن بتقومى بأخذ قطعه متوسطة وتفركيها بيديكى على الزبادى وتقلبيهم جيدا
3- تضعين الماسك على الشعر كله لمدة ساعه ثم تغسلى شعرك كويس جدا
مدة الاستخدام
مرة بالاسبوع

عاشرا الزبادى والموز


يعمل هذا الماسك على
1-تطريةوتغذية الشعر بفضل الزبادى
2-
تنعيم وملمس رائع بفضل الموز

المكونات
موز عدد الموزات على حسب طول شعرك +
زبادى على حسب طول شعرك عدد الملاعق
الطريقة
1- تقومى بهرس الموز جيدا بحيث مش يبقى فيه اى قطع صحيحة
كانك بتهرسى الباطاطس اللبوية لما بتعمليها تخلى الموز كده فى ملمس البطاطس البورية

2- تضعي عيه الزبادى وتقلبيهم جيدا ويضعوا على الشعر كله لمدة ساعه ويغسل بالشامبو
مدة الاستخدام
مرة بالاسبوع


الحادى عشر الزبادى والمايونيز

يعمل هذا الماسك على
1-تطريةوتغذية الشعر بفضل الزبادى
2-
تنعيم بفضل المايونيز

المكونات
زبادى + مايونيز سادة
الطريقة
تضعى عدد ملاعق الزبادى على حسب طول شعرك مع المايونيز
وتقلبيهم جيدا وتضعيهم عالشعر نفسه لمدة ساعه ويغسل بالشامبو
مدة الاستخدام
مرة بالاسبوع


الثانى عشر الزبادى والجرجير

يعمل هذا الماسك على
1-تطريةوتغذية الشعر بفضل الزبادى
2-تطويل الشعر وتغذية بفضل الجرجير

المكونات
حزمة جرجير + زبادى+ ماء + خلاط كهربائى
الطريقه
1- تقطعى الجرجير قطع صغيرة
2- تضعيه فالخلاط مع شوية ماء يادوبك يمشوا الخلاط
ويتم ضربه جيدا
3- تقومى بتصفيه الجرجير حيطلع ليكى زى كدة لوسيون بس تقيل ولونه اخضر
4- حتضعى عليه علبة زبادى كاملة او اكثر على حسب طول شعرك
وتقلبيه جيدا ويوضع فى اى علبة فالثلاجة ويستخدم
طريقه الاستخدام
تضعيه على الشعر نفسه لمدة ساعه ويغسل
مدة الاستخدام
3 مرات بالاسبوع

الثالث عشر عصير الجرجير المركز


يعمل هذا الماسك على
تطويل وتغذية وكثافة الشعر بفضل الجرجير


المكونات
حزمة جرجير + ماء + خلاط كهربائى
الطريقه
1- تقطعى الجرجير قطع صغيرة
2- تضعيه فالخلاط مع شوية ماء يادوبك يمشوا الخلاط
ويتم ضربه جيدا
3- تقومى بتصفيه الجرجير حيطلع ليكى زى كدة لوسيون بس تقيل ولونه اخضر
ويوضع فى اى علبة فالثلاجة ويستخدم
طريقه الاستخدام
تضعيه على الشعر نفسه وفروة الراس ايضا
لمدة ساعتين ويغسل
مدة الاستخدام
3 مرات بالاسبوع

الرابع عشر المايونيز السادة

يعمل الماسك على
تنعيم وتطرية بفضل المايونيز

المكونات والطريقة
بتجيبى المايونيز بتضعيه على الشعر زى ما هو
لمدة ساعه ويغسل
مدة الاستخدام
من مرة الى مرتين فالاسبوع

وعلى فكرة المايونيز سلاح ذو حدين بمعنى
ان ممكن بنت تجربه وتلاقى شعرها ناعم وحلو وطرى
وبنت اخرى تجربه تلاقيها ولا شيتا باضحكباشد ف شعري
وحصل قبل كده فى فتكات
ان بنت جربته لقت نتيجة حلوة كتير مع الاستمرار عليه وبنت اخرى جربته بقت شيتا
فجربيه وشوفى ايه لو طرى شعرك من اول استخدام ولاقيه فرق فى الملمس يبقى خلاص كملى عليه ولو لقتيه نتيجته عكسية يبقى مش جاى مع شعرك لو استخدمتيه لوحده لازم تستخدميه مع اى وصفة مذكورة سابقة
وعلى فكرة انا استخدمته وخلى شعرى طرى وناعم وحلو
ولقيت الفرق بس من مرتين استخدام ومداومة عليه
كل لما اجى اغسل شعرى

خطوات موحدة قبل القيام بعمل الماسكات المذكورة سابقا
1- غسيل الشعر بالشامبو جيدا وتنشفيه بفوطة
2- وضع الماسك على الشعر
3- لف الشعر بورق قصدير ثم غسيله مرة اخرى بالشامبو
بعد الزمن المحدد
4- عند تسريح الشعر وضع اى كريم مرطب للشعر


* الكميات المذكورة فى كل وصفة سابقة
على حسب طول شعرك

*اختارى اى وصفة تعجبك واعمليها مع الاستمرار عليها
والمواظبة عليها لمدة 3 شهور على الاقل

*اى وصفة فيها قهوة وغلتيها ممكن تاخذى مية القهوة وتعمليها على فروة الراس مثل الطريقة الاولى بدل ما ترمى مية القهوة حرام

وبكدة حبيبااتى خلصنا اقوى الوصفات التى تساعد على
التخلص من مشاكل الشعر
السابقة اللى فى اول الموضوع مع الاستمرار والمواظبة عليها

منقول من منتدى فتكات النسائى

ا

No comments:

Post a Comment