شويه نصايح للى زى جداد فى السواقة

انا نقلت الموضوع ده لاننى جديدة فى السواقة وفعلا كل النصايح فادتنى قلت انقلها علشان كل جديد يستفيد
المهم ... طبعا خايف من السواقة

يمكن دلوقتى عملية الخوف دى قلت كثيير

وانا من راى اهم حاجة تقلل الخوف ان اللى بعلمك يكون بيفهم
موش سواق وخلاص

يعنى انا مثلا
خرج معايا واحد صاحبى وكان فاهم كويس قوى اكثر من السواقيين اللى خرجوا معايا

واول نصيحة لى منه هى ...
رجلك على الفرامل واضغط دبرياش وانت بتعدى على اى تقاطع او اى يو تيرن او زحمة عربية
لو ظهر لك اى حاجة هاتضغط على الفرامل على طول

طبع فضلنا كثيير نتدرب على الموضوع ده
وزعق معايا كثيير ازاى تدخل على اى تقاطع ورجلك موش على الفرامل والدبرياج يكون جاهز وفاصل الحركة
عشان فى اى وقت وقفت انقل الغيار ببساطة والعربية ماتبطلش
ولو حصل وظهر لك اى شىء مفاجىء رجلك اساسا على الفرامل مافيش اى مشكلة هاتضغط عليها

لكن لو رجلك على البنزين مع الخوف هاتضغط على البنزين وتحصل مشكلة لا قدر الله

طبعا التدريب ازاى تتحكم فى سرعة العربية عن طريق الفرامل
تفضل تضغط عليها براحة لحد ما تاخد العربية السرعة المناسبة
مثلا اليو تيرن لازم اكون داخل براحة قوى
الملفات لازم اكون داخل عليها براحة قوى
التقاطعات لازم اكون مهدى العربية كويس
واى مكان فيه زحام متوقع

طبعا فى المنحنيات والتقاطعات لازم تدخل عليها اصلا بسرعة بسيطة
عشان لو ظهر لك اى حد بشكل مفاجىء او خطأ تلحق تقف ببساطة

دى اول نصيحة

النصيحة التالية
اى ملف لازم تكون هادىء جدا فى سرعتك وتكون داخل الملف فى حارتك "طبعا فى الغالب بجوار الرصيف"
واوعى تخرج من حارتك اللا بعد ما العربية ما تعدل نفسها
وقبل ما تدخل الملف لازم تبص على الناحيتين يمين وشمال

يعنى لو داخل يمين بص شمال بسرعة على العربيات اللى جاية
وارجع بص امام عربيتك
اوعى تنسى وتفضل باصص على العربيات اللى جاية من الشمال
لحد ما عربيتك تنزل نص الشارع

نفس الكلام لو داخل شمال

وطبعا والعربية بتلف تكون محضر الغيار المناسب عشان تمشى على طول وطبعا ما دام رجلك اصلا ضاغطة على الدبرياج هاتقدر تختار الغيار المناسب بسرعة وكده العربيات اللى خلفك موش هاتعمل لك "كلاكس" لانك ماشى كويس ومافيش اى عطلة

وطبعا لو بتلف فى حارتك بجوار الرصيف
حتى لو فيه حد جاى بعربيته وبيجرى هاتكون انت فى الامان قوى
ولو لا قدر الله كان فيه حد بيجرى فى نفس الحارة اللى هى بجوار الرصيف وده طبعا نادر هايلحق يلم نفسه ويبعد عنك
وفى الاول والآخر انت داخل صح بجوار الرصيف وملتزم بحارتك تماما ولا يوجد عليك اى خطأ
واوعى تنقل نفسك من الحارة اللى بجوار الرصيف فجأة دون النظر فى المرايات

اما لو كنت بتعمل يوتيرن
وكنت فى الحارة الخارجية وليست الحارة التى بجوار الرصيف
نفس الكلام لازم تفضل ملتزم بها
واوعى تخرج منها حتى بعد ما تلف بالعربية اليو تيرن
عشان ماترميش نفسك على اى عربية تانية



النصيحة التالية
الالتزام بالحارة التى تسير فيها
يعنى الحكومة عاملة خط بين كل حارة
اوعى تمشى على الخط
لان كده معناه انك شاغل حارتين
والعربيات عشان تعدى منك لازم تعملك "كالكس" وتسبب لك ازعاج
عشان كده لازم تمشى داخل حارتك تماما وليس على الخط الموجود بين الحارتين

كده اللى عايز يعدى هايعدى بدون مشاكل وعمره ما هايضايق منك حتى ولو كنت ماشى بطىء

النصيحة التالية
لو كنت فى شارع سريع مثلا "شارع المطار"
وانت فى طريقك الى المطار
طبعا صعب انك تمشى فى وسط الشارع وانت بطىء
خصوصا انه معروف ان الشارع ده بتاع جرى
يبقى الافضل انك تمشى فى اليمين

النصيحة التالية
لو حصل وظهر لك مطب
اوعى تغير مسار عربيتك الى حارة تانية
الافضل تاخد المطب وامرك لله
احسن ما تغير مسار العربية فجأة الى حارة تانية وتسبب خطر لك وللآخرين
كل العربيات بتاخد مطبات مافيش مشاكل
لكن الخطر انك تخبط عربية تانية
طبعا ممكن تغير مسار عربيتك من حارة الى حارة بعد النظر فى المرايات والتأكد من خلو الطريق والانتقال يكون تدريبجى "سنة سنة" وبراحة قوى ولو فيه اشارة يبقى هايل
عشان اللى جاى وراك ياخد باله

ولو ظهر لك حد ماشى على رجليه امامك
انا من وجهة نظرى الافضل تهدى سرعتك حتى لو لزم الامر انك تقف تماما بالسيارة
افضل من انك تغير حارتك وتسبب مشاكل للآخرين
خصوصا لو عديت امام المشاة ممكن يجرى امامك بدل ما يتوقف وساعتها تحصل مشكلة كبيرة لا قدر الله



النصيحة التالية
لو حصل وكنت عايزة تقف مرة واحدة او هاتنقل نفسك من حارة الى حارة او هاتلف فى يو تيرن
لازم تنظرفى المراية كويس وتشوف مين اللى جاي وراك او بجوارك ... ودى اصعب حاجة "موضوع استعمال المرايات"
خصوصا ان المرايات فيها نقاط عمياء لا تظهر فيها السيارة الموجودة بجوار الباب الخلفى
ولما تنقل نفسك من حارة الى حارة تفاجئى بأن فيه عربية بجوار الباب الخلفى وانت موش شايفاها
معلهش دى بالممارسة والتدريب الجيد جدا جدا لازم تراعى الموضوع ده لانه بيحصل منه مشاكل كثيير

النصيحة التالية
لو مشيت لوحدك بالعربية طبعا يفضل يكون يوم الجمعة مثلا قبل الصلاة الساعة 8 صباحا
امشى ساعة ولا ساعتين مافيش مشاكل عشان تاخدى الثقة

النصيحة التالية
لو حبيتى تركن عربيتك
اركن فى مكان واسع فى الاول
لحد ما تتعلم الركنة كويس
ما تحاولش تركن فى مكان ضيق وانت لسه بتتعلم عشان ماتخبطيش عربيتك وعربيات الناس التانية

فى البداية موش مطلوب انك تجرى بالعربية
كفاية انك تمشى بها حوالى 60 كيلوا
لحد ما تتعود على المشى كويس
وتنقل الغيارات بسهولة
وتقدر تقف لو ظهر اى حاجة مفاجأة
السرعة مطلوبة فى نقل الغيار المناسب وليس الجرى بسرعة
السرعة مطلوبة فى اختيار المكان المناسب للسير عشان مااعطلش باقى السيارات

والنصيحة التالية
لازم يكون بينك وبين السيارة التى امامك مسافة
لازم تحافظ على المسافة دى


والنصيحة التالية
لو ماشى فى طريق طوالى
ممكن ترفع رجلك عن البنزين
عشان السرعة تخف
دون الحاجة الى الضغط على الفرامل

الفرامل فقط فى التقاطعات
والزحام
واليو تيرن
رجلك لازم تكون عليها ومستعدة
والتوقف لا يكون مفاجىء بل تدريجى
بعد التدريب هاقدر تعرف قوة فرامل عربيتك وتحس بها

واخيرا اوعى تمشى فى اماكن زحمة عشان ثقتك فى نفسك ما تتهزش
امشى مع اى حد راكب معاك فى اماكن خالية وخليه يعلمك
وتدريجى اختر اماكن زحمة تدريجيا
وفى اوقات مختلفة

النصيحة التالية
لو هاتعدى مطب صناعى
لازم تكون ضاغط على الدبرياش والفرامل
وعن طريق الفرامل تتحكم فى سرعة العربية
واول ما عجل العربية الامامى يكون فوق المطب وهايبدأ ينزل
تكون اخترت الغيار المناسب "الغيار الاول او الغيار الثانى" حسب سرعة العربية
وطبعا ما دمت انت دايس على الدبرياج اساسا
خلاص هاتختار الغيار المناسب وهاتمشى على طول
لدرجة ان العربيات اللى خلف موش هاتحس انك مبتدأ
لازم تتدرب على الموضوع ده كثيير وتختار شارع يكون فيه مطب صناعى

النصيحة التالية
احترس من اى سيارة بتركن
او خارجة من جراج
او بتفتح الباب
احترس من الاطفال وتحركهم المفاجىء
احترس من سيارات الاجرة والميكروباس لان تقفهم مفاجىء ومتكرر وفى اى مكان بدون تحذير

فى البداية فى ناس تفضل انك تمشى فى جهة اليسار بجوار الرصيف
واللى عايز يجرى يجرى
خصوصا ان كل تركيزك هايكون فى اللى جنبك من الجهة اليمنى فقط
طبعا الكلام ده ينفع فى الطريق الداخلى
لكن لو كان الطريق سريع يبقى خطأ انك تمشى شمال وانت سرعتك بطيئة جدا "خطر جدا"
عندما تحصل على رخصة قيادة السيارة في سنواتك الجامعية، سينتابك ولا شك حماس واندفاع الشباب، ومع قلة خبرتك في القيادة بسبب حداثة عهدك بها قد تقع في الكثير من المشاكل أو الحوادث لا قدر الله، لذا يجب أن تسيطر على حماسك وتتحلي بالحكمة والهدوء أثناء القيادة، وعليك أيضا أن تتبع بعض القواعد التي لا تقل أهمية عن قواعد قانون المرور حتى تكتسب الثقة الكافية عند قيادة سيارتك وتبتعد عن المشاكل.

القواعد التي نتحدث عنها هنا تغطي الكثير من الأمور الأساسية مثل حزام الأمان - التعامل مع ركاب السيارة - حواجز الطريق - الابتعاد عن أي شيء يشتت انتباهك أثناء القيادة.

وسائل تشتيت الانتباه

أثناء قيادة السيارة، لا تجازف أبدا باستخدام الأجهزة التكنولوجية الحديثة متعددة الوظائف كالهاتف المحمول أو جهاز GPS أو مشغل الموسيقى MP3. وإن كانت لديك تلك العادة السيئة، فروض نفسك على التوقف عنها، وإذا كانت هناك ضرورة مثلا للرد على الهاتف أو إرسال رسالة نصية من خلاله، ابحث عن أقرب مكان يسمح لك بإيقاف السيارة بأمان على جانب الطريق حتى تنتهي من استخدام الهاتف ثم تستأنف القيادة. وبالنسبة لجهاز تحديد المواقع جغرافيا أو الـ GPS، فيمكنك الاطلاع على الاتجاهات المطلوبة أولا ومعرفة الطريق الذي يجب عليك اتباعه قبل البدء في تشغيل السيارة.

ركاب السيارة

يفضل عند بداية ممارسة قيادة السيارة ألا تصطحب أصدقاءك معك إلى أن تتقن القيادة، وذلك لأن الفئة العمرية لكم جميعا قد تجعل تصرفاتكم تتسم بالحماس الزائد أو الطيش على الطريق، وبالتالي قد يصرف أصدقاؤك انتباهك عن التركيز في القيادة مما يوقعكم جميعا في المشاكل لا قدر الله.

انتظر حتى تجيد القيادة تماما، ثم ابدأ تدريجيا في اصطحاب صديق واحد ثم زد العدد بعد ذلك بعدما تختبر مدى تأثير الصحبة على تركيزك في القيادة.

القيادة الليلية

يفضل في البداية ألا تقوم بقيادة السيارة بعد حلول الظلام، فقد ترتبك ليلا ولا تتمكن من السيطرة على السيارة. اكتف لفترة بالقيادة أثناء النهار، مع التدرب تدريجيا على القيادة ليلا في البداية تحت إشراف أحد الوالدين إلى أن تثق في قدرتك على القيادة في الظلام والتعامل مع تحديات الطريق المختلفة، فالقيادة ليلا أمر خطر للغاية على من هو حديث العهد بالأمر.

السرعة

استوعب جيدا عواقب الاندفاع بسرعة على الطريق، فقد تعرض حياتك وحياة الآخرين للخطر، أو في أبسط الأحوال ستحصل على مخالفات بتكلفة مرتفعة. وإذا أردت اتباع طريقة فعالة تجبرك على القيادة بسرعة مناسبة لا مبالغة فيها، التزم أمام والديك بدفع قيمة المخالفات المرورية من مصروفك الشخصي أو مدخراتك من عمل في الصيف أو ما شابه، وذلك حتى تشعر بالمسئولية وتحجم عن اندفاعك.

أحزمة الأمان

أظهرت الدراسات أن طلبة وطالبات الجامعات ممن حصلوا حديثا على رخصة القيادة هم أقل الناس التزاما بارتداء حزام الأمان أثناء القيادة. ونؤكد عليك هنا أهمية إحكام ربط حزام الأمان أثناء قيادة السيارة أو حتى أثناء الركوب مع قائد آخر ليس فقط لتجنب الغرامات المرورية، ولكن الأهم للحفاظ على سلامتك.

تأكد من فحص الآتي:


قبل قيادة السيارة، احرص دائما على فحص مستوى الوقود في خزانها.

افحص ضغط الهواء في إطارات السيارة شهريا لدى ورشة الصيانة

قم بتغيير زيت السيارة كل 3000 ميل أو وفقا لتوصيات وكيل سيارتك.

احرص على نظافة زجاج السيارة من الخارج والداخل لتضمن رؤية واضحة أثناء القيادة، وتأكد من سلامة المساحات الأمامية.

تعلم كيفية تغيير إطار السيارة، حتى يمكنك التصرف دون الحاجة لمساعدة لو تعرضت لموقف صعب وفرغ الهواء من إطار سيارتك على الطريق (وهذا الكلام بصفة خاصة للفتيات التي تقع في الكثيرمن المشاكل بسبب عدم إجادتها لتغيير الإطار التالف).

رحلة سعيدة
بدئيا لو العربية حالتها كويسة ومفيهاش مشاكل .. لازم اشيك على شوية حاجات قبل ما اسافر بيها ..

اهم حاجة لازم اطمئن ان الكاوتش حالته كويسه واطمئن على الضغط عند بتاع الكاوتش (ويفضل تقليل الضغط شوية فى حالة السفر لمسافة طويلة فى الصيف) ...

واطمئن على الاستبن وتوفر وسلامة العده (الكوريك و مفتاح العجل) ...

بعد الاطمئنان على الكاوتش لازم اطمئن على زيت العربية واشيك على ميه التبريد .. ولازم يكون معانا جركن ميه فى الشنطة احتياطى لتزويد الميه فى حالة حدوث مشكلة على الطريق لا قدر الله ...


بس كده دى الحاجات البديهية اللى المفروض نتأكد منها قبل السفر ودى مش هتاخد 5 دقايق ..

ورحلة سعيدة ........