انا حقول لكم على طريقة تخلى جوزك يحلف بالكيك خاصتك عن جد
انتى تضربى السمن والزيت يعنى تلات اربع كوب سمن وربع كوب زيت
والصحى بقى كوب زيت ذرة او عباد
المهم لوعملتى سمن تضربيهم فى الخلاط مش المضرب
وبعد كدهتضيفى 2 كوب سكر خشن مش مطجون برضه فى الخلاط بس بالتدريج يا قمر
لغايه ما تشوفى الخلطة بقت كريمة هو خلط متقطع فى حدود 5 الى 3 دقايق حسب قوة خلاطك
وبعد كده ضيفى الفانليا والبيض 4 بيضات كبار
البيض بيضة وتخلطى ماشى لو عصلج معاكى بالمعلقة الخشب والخلط مطفى قلبى الخليط
ضرب البيض مع الخليط لايزيد عن 2 دقيقة وشوفى انتى بعينك ان البيض اتمزج ماشى
بعد كده2 كوب زبادى كبير جاهز او انتى عامالها المهم بيضرب مع الخليط فى الخلاط
اعملى الدقيقى فى المنخل السلك وضيفى عليه البكم بودر
نقلب الخليط فى حلة اكبر من الخليط شويه كتير وبعدين نمزج الدقيق بالخليط
بالتدريج ياقمر ونلقب فى اتجاه واحد علشان الخهوا ميخرجش من العجين
نسيت اقول لك الدقيق بيكون حوالى 3اكواب بس مش بياخدهم كلهم
تضيفى الدقيق لغاية ما يبقى سمكه معاكى زى الزلابيه كده
يعنى العجينة متكنش تخينه اووى دى اللى بتخلى الكيكة ناشفة
بس حطيها فى الفرن سخنه ودرجة حرارتها عاليه لمدة 5 دقايق علشان تعلى وتهيش وبعد كده هدى النار عليها
زى ما بتسوى الكيكة
لغاية ما وشها يحمر خلى بالك من درجة التسوية
وللتاكد ضعى السينكة فى قلب الصنية قبل ماتطفى الفرن لو خرجت نضيفة يبقى كده استوت
لو ملزقة يبقى استنى شويه صغيرة بس متحرقيهاش
يلا دعوة حلوة بقى
Comments
Post a Comment