اشترى ده وبلاش ده

دى خلاصة وتجارب مجموعة من الستات علشان ما تغلطيش غلطتهم وابدائى من حيث انتهى الاخريات
تلاجه وايت ويل تحفه بجد جدا فى كل حاجه




-مكنسه وايت ويل روعه وعمليه جدااا



-مبرد الميلاه من جراند جلو برده بس غسل التانك متعب جدا



-ميكرووووويف شارب عملى جداجدا

طبعااااااا لانى مجرباه



- ماكينه الزبادى كويسه بس انا بكسل اعمل فيها كمان رخبصه اوى انا جايباها كينوود بحوالى 130



-بودره تعطيل الجسم من ماى واى سيئه للغايه....حلوه تعطيل دى



هههههههههههههه حلو الوصف

-معطر المفروشات بتاع ماى واى روعه

هجربه

-باور ماى واى روعه



-اللهلوبه ماى واى معجبتنيش خالص



-بانيو استجمان البيبى مستفدتش منه خالص لانهم مش بيعرفوا يقعدوا فيه يمكن لما يكبر شويه احتاجه



فعلا كان عند ولادى هو ينفع لسن سنتين كده اصغر لآ

-الشايات بتاعت الاطفال لا ليها اى لزوم



-تكييف ال جى حلو بس شارب احلى منه كتير لانه بيعمل صوت شويه

شارب لا يعلى عليه



-نيفيل بزبده الكاكاو حلوووو للايد وبيدى ريحه بس فعلا لاحظت ان كتره ع الجسم بيسمر شويه



-بيبى ليس مش عجبتنى لانها بتبن ان الشعر مصطنع وواقف كده وخصوا انى جبتها دراى اند ويت كان الاحلى لو جبتها اللى هى الكيرلى اهو كنت هستفيد منها بحاجه


غسالة ايدل زانوسى الديجتال ال18 بروجرام والله العادية ال18 برقبتها بتزن جدا وصوتها وحش


كمان اشتريت حامل الصابون العادى والحساس والاتنين اسوأ من بعض واترموا

واكياس حفظ الخضار ولا بتحفظ ولا حادة زى قلتها

الدهب الصينى بكل انواعه وحش قوى وكلهم بيصدوا

الملايات الصينى اللى ب40 جنيه هى يدوب غلستين وباى باى شكل بس

واشتريت حنفية الببسى سيئة جداااااااااااا بتنزل رغاوى بس يعنى كأنك بتشربى مايا

حامل اكياس القمامة من اول استخدام اتكسر

حامل الخضار الادوار بتاع الهلال والنجمة مش بيستحمل نهائى ضعيف جدا

حامل الشنط هايل غسول نيتروجينا والاسكرب بتاعه

الميكرووويف طبعا لا غنى عنه ولما جبته قلت ياريت جبته من زمان

الحلة السيب طبعا بتسوى الاكل فى دقايق

الدفاية اللى بالكهربا دى فاشلة خالص باظت فى اقل من شهر وتكييف كرافت فاشل اوى وجبت مكانة كاريير وكبة مولينكس حلوة


الدفاية اللى بالزيت حلوة جدا وتكييف شارب لايعلى عليه وكبة مولينكس حلوة جدا

براون مالتي كويك تحفه مش عارفه حياتي من غيرها هتكون ازاي ومكنسه ناشيونال ما شاء الله


وخلاط مولينكس جميل

موكيت ماك وحش بعد غسلتين الضهر ينفصل عن الوش

كلوريل وحش جدا كلوركس احسن منه

كل حاجات 2 ونص وحشه جدااااااااااااااااااااااااااا



جريل الصينى الى عامل زى الطاصة


لاانه بيقشر و الحاجة بتلزق فيه وكمان التكيف المتنقل الى بيشتغل بالميه المروحة العادية

احسن منه

الغسالة اولمبيك18 برنامج وحشة قوى


التلاجة كريازى حلوة وجامد جدا

الميكروايف انا جايبة مركة فرجيدر كويس الحمد لله

مسحوق تايد الوان كويس وبعدية برسيل الوان

داونى اللبنى حلو قوى , لكن منجات كارفور للمنسوجات سيئ

الشامبو دوف الباقى بينشف الشعر خصوصا لو مصرى

معطر السجاد بالرائحة الشرقية تحفة من ماى واى

ماكينة ازالة الشعر براون تحفة طبعا

الاطباق البلاست التركى بتدخل الميكوايف وحلو قوى خصوصا لو فى اطفال

الفوط اليومية من الوايز تحفة ومش يتعمل حساسية زى الباقى وسعرها حلو 10 جنية

متسترخصوش فى المناديل فلورا احسن حاجة او زينة

فيبا سائل الصحون موفر بس فيرى رائع

سكراب ملح اللبن حلو

هربيك لتنظيف التويلت برائحة الخوخ واياسمين جامد

ديتول 4 فى 1 جميل ومريح جدا فى التنظيف

جف لتنظيف البوتجاز او الحائط من اللوان او القلم الجاف جامد اخر حاجة

اكيد التكيف شارب احسن حاجة


المفرمة بتاعه البصل والتوم (مولينكس ) لا غنى عنها


تفرم البصل ف ثانيه

وتعمل التوم ف فيمتو ثانيه

الصراحه لا غنى عنها ابداااااا لاى ست

عندى تكييف كرفت (القديم) حكاييه واحسن من كاريير

اللى ندمت انى اشتريتها الغساله الهاف لانها عايزة اللى يقف عليها موش يسيبها ويمشى زى الفول اتوماتيك

بس بعتها وهى جديده

اشتريت تلاجه 18 قدم كريازى ياااااااااااااااااااه الحجم ده مريح جدا جدا انصح اى واحده ما تشتريش اقل منه باستثناء النوع


استنوننى فى الحلقة اللى جايه