قصة إختفاء بوريس رجل المريخ

 سنة 1996 اتولد طفل اسمه " بوريسكا " أو " بوريس كبريانوفيتش " في مدينة "فولوجراد " بروسيا .. الولد ده كان عبقري جدا واصبح حديث الاعلام لما كبر لانه ادعى انه من مواليد كوكب المريخ!! تعالو نتعرف على الولد ده ونعرف حياته كان شكلها ايه..

ام بوريس ، طبيبة ، بتقول انها لاحظت من اول لحظة اتولد فيها ابنها " بوريس " انه طفل مش عادي؟ لانه على حسب كلام الام انه اقوى من الاولاد التانيين ؟ كان اكتر نمو ، قدر الطفل " بوريس " انه يرفع راسه بعد 15 يوم من ولادته ، وبدأ انه ينطق كلمات بسيطة زي " بابا " وهو في عمر ال 4 شهور! وبعدها قدر يقول كلمات اكتر !.. 

لما بقى " بوريس " عنده سنه قدر انه يقرا عناوين الجرايد ، واتعلم ازاي يعرف الالوان ويميزهم عن بعض ، وبدأ انه يرسم وهو في عمر السنتين وبدأ في التلوين في عمر السنتين ونص..  

ام " بوريس " بتقول ان ابنها عنده ذكاء مدهش ، ومهارات لغوية غير عادية ، دخل الحضانة وهو في سن السنتين ، كان موضع اهتمام من المدرسين لانهم شافوا فيه طفل ذكي جدا وعقله سابق سنه.. 

كل ده كان عادي لكن لما " بوريس " بدأ يكبر اكتر ، امه كانت بتسمع منه كلام غريب؟ كان دايما بيكلمها عن الفضاء والكواكب والنظام الشمسي ، كان بيذكر تفاصيل غاية في التعقيد ، كلام المفروض مايصدرش من طفل !.. الاغرب بقى ان " بوريس " قال لامه انه اتولد على كوكب المريخ ! وان الفراعنة كان ليهم صلة مع سكان الفضاء واخدوا منهم علم كتير وكمان ساعدوهم في بناء الاهرامات! ..

كمان كان " بوريس " بيتكلم مع امه على حضارة قديمة وغريبة جدا على كوكب المريخ ، وبيقول كمان انه لما كان عمره 15 سنة كان بيشارك في الغزوات الجوية مع صديق ليه!!  ... مش كده وبس ده قال كلام اغرب من كده ؟! قال ان حصل حرب نووية على كوكب المريخ  من الاف السنين ومات منهم كتير جدا ، واللي عايشين الان عايشين على سطح كوكبهم ويتنفسون co2 , وقال كمان ان سكان المريخ متطورين جدا تقنيا وتكنلوجين وعندهم مركبات معقدة لمراقبة كل الفضاء الكوني وكمان عندهم مركبات فضائية للسفر بين  النجوم في الزمان والمكان  !!.. 

وقال كمان ان بسبب الحرب النووية اللي تعرضوا لها مواطني المريخ ، من الالف السنين وسبب في القضاء على الغالبية العظمى من سكان كوكب المريخ. ده اللي دفعهم انهم يرسلوا بوريسكا الى الارض لتحذيرنا لتجنيب البشر من النهاية اللي حصلت في المريخ بسبب حروب النووي المدمرة!.. 

وحذر " بوريسكا " العالم لو لم يستمع ليه قادة الدول فإن الارض ستواجه مصيرا كارثيا! ".. 

غرائب الطفل لسه ما توقفتش ، قال انه مش الطفل الوحيد اللي أرسل من الفضاء الخارجي الى الارض؟! بل ان هناك اطفال اخرين مثله تم ارسالهم في مهمات مختلفة ومحددة لانقاذ البشرية!.. 

انا شايفك انك مندهش من اللي بتقرا ، اصبر لان لسه اللي جاي مدهش اكتر ؟! 

بيكمل " بوريس " حكاياته لامه وبيقول ان سكان كوكب المريخ اطوالهم 7 أمتار ! وكمان سرمديون ؟ مش بيموتوا خالص لان نموهم بيقف عند سن 35 سنة!! .. وقال كمان ان الهرم الاكبر وراه سر عظيم وان هناك بوابة خفية وراء تمثال ابو الهول ! لو قدروا يوصلوا للبوابة ويفتحوها هيحصل بسببها تغير كبير في شكل الحياة على كوكب الارض! كان قاصد ان البوابة دي لما هتتفتح هيخرج منها علم هيغير مصير كوكب الارض!.. ( وللمصادفة ان فعلا تم اكتشاف حجر سري اسفل اذن تمثال ابو الهول كأنه بيسد بوابة ما ! ).. وده بيأيد كلام بوريس.. 

لسه احنا مع حكايات بوريس الغريبة.. 

كان فيه مشروع اسمه " Camelot " البحث عن الحقيقة ، بعد ما عرف بقصة " بوريس " عن حياته الماضية على كوكب المريخ ، قرر مشروع كاميلوت انه يزور " بوريس " سنة 2012 عشان يخرج فيلم وثائقي عن قصته.. 

وكان بوريس بيطلقوا عليه اسم " النبي الجديد ".. 

في 8 اكتوبر سنة 2012 حصلت مقابله مع ام بوريس ، وكان في الوقت ده بوريس بيدرس في معهد مخصص للاولاد الموهوبين، وعايش بوريس مع امه في شقة صغيرة من غرفة واحدة. والاب غائب عنهم..

التكنولوجيا الفضائية خارخ الارض؟! 

أخد بوريسكا وقت قصير في المقابلة ووصف فيها طريقة عمل المركبات الفضائية في المريخ، واتكلم عن التكنولوجيا والحروب اللي خاضوها في المريخ من الاف السنين .. ووصف كمان الطريقة اللي بتعمل بيها المركبات على الايونات وازاي بيعمل بعض المركبات على اشكال من الطاقة مستمدة من مصادر طاقة متجددة.. وقال انهم مش بيستخدموا البترول أو الغاز لان محركاتهم قوية جدا. 

اتسأل " بوريسكا " في المقابلة كذا سؤال ، قالوله انه يوصفلهم الاجسام الفضائية عاملة ازاي؟ فارد وقالهم انها اقرب الى مركبات على شكل " نقطة " ومنها الى الشكل التقليدي المعروف عن الصحون الفضائية..

 

وسأل احد الاخصائيين بوريسكا ليه المركبات الفضائية من صنع الانسان كانت بتتحطم غالبا لما كانت بتقرب من المريخ؟ رد وقال ان لو حاولت احدى مركباتنا انها تقرب من المريخ، هتدمرها فورا الذبذبات القوية اللي يطلقها سكان المريخ!..

الحروب على كوكب المريخ ؟! 

يقول بوريسكا انه حدثت اكتر من حرب دموية مدمرة جدو على كوكب المريخ ، دمرت الغلاف الجوي وغيرت الشعب بشكل جذري! وقال كمان ان كان عندهم مشروع خاص لخلق شمس جديدة في نظامنا الشمسي، و الشمس التانية دي من المفترض انها تكون كوكب المشترى. لكن كان هناك حاجة لكتلة مادية ضخمة لانجاز صنع الشمس الجديدة.. ومكانش فيه ما يكفي منها في كل نظامنا الشمسي. وموصلش المشروع الي اي نتيجة ابدا..

قال العالم الكبير والخبير الفلكي " Nicolai Levashov " ردا على كلام بوريسكا ، قال ان فيه نصوص فيدية قديمة ونصوص تاريخية بتحكي بالفعل عن حروب كونية حصلت على كوكب المريخ من الالف السنين!.. 

قال كمان بوريسكا خلال اللقاء : لا، انا مش خايف من الموت، لاننا بنعيش الى الابد! كان هناك كارثة على كوكب المريخ ، وكنت أعيش هناك. والبعض ما زال يعيش هناك. كان هناك حروب نووية بين حزبين. كانوا اناسا مثلنا، لكن حصلت حروب نووية وكل شيء احترق!. بقى القليل منهم على قيد الحياة وهناك ملاجئ تم بناءها وكمان هناك اسلحة جديدة..

كمل كلامه وقال " كل المواد تغيرت. سكان المريخ يتنفسون هواء مركبا اساسا من ثاني اوكسيد الكربون. ولو جم الى الارض اليوم، هياخدوا وقت في استنشاق دخان عوادم السيارات والمصانع لان هواء الارض بيجعلهم يشيخون!.. يعني ببساطة ان لو جم سكان المريخ وعاشوا هنا على كوكبنا هياخدوا وقت كبير لحد ما يتعودوا على استنشاق الهواء الملوث بتاعنا وده هيخليهم يكبروا في السن!.. 

طبعا كلام غريب جدا وده خلاهم يسألوا بوريسكا سؤال وكان هو، لو كنت قادم من كوكب ع، كده انت محتاج انك تتنفس ثاني أوكسيد الكربون؟ 

رد على السؤال وقال: " بما انني في جسم شخص من كوكب الارض ، فأنا اتنفس الاوكسجين! لكن لازم تعرفوا ان الاوكسجين بيؤدي الى الشيخوخة!.. 

تقدر يا بوريسكا تقيم لنا الكائنات البشرية؟ 

لما اتسأل بوريسكا عن شعوره ناحية الطريقة اللي بيتصرف بيها الانسان على الارض، تنهد بهدوء وقال: " لا احب ان اتكلم عن الناس بالسوء، وده مفهوم، والطريق لسه طويل عشان نوصل لطريقة نتواصل بها مع الارض ونعيش وننسجم مع طبيعتكم!.. 

اختفاء غامض

زي ما ظهر " بوريسكا " فجأة ليشغل العالم، اختفى فجأة، فبعد أشهر قليلة من شهرته العالمية، اختفى " بوريسكا " تماما هو ووالدته! وفشلت كل محاولات الصحفيين اللي حاولوا انهم يوصلوا له او يتعقبوه، محدش يعرف مكانه حتى الان! من المفترض ان " بوريسكا " الان يكون عنده 22 سنة ، وبالرغم من كده، مش هتلاقي أي صورة على الانترنت وهو في السن ده! انقطعت كل الاخبار عنه وهو في سن الـ 12 سنة! واغلب الصور المنشورة ليه في التقرير متاخده من فيلم وثائقي صوره احد المراكز العلمية معه قبل عشر سنين.. 

وقال بعض سكان مدينة " فولوجراد " الروسية اللي كان عايش فيها " بوريسكا " انه راح مع ولدته الى قرية نائية ويقيم فيها حاليا تحت حماية الحكومة الروسية، وان محاولة الوصول ليه هتكون غير مفيدة!.. 

اختفاء " بوريسكا " الغامض والمفاجئ، فتح الباب امام كتير من الناس اللي بيصدقوا روايته انهم تواصلوا معه في السر ، وانه اخبرهم انه عايش بشكل طبيعي مع والدته في مكان ما بعيد عن الانظار، ولمح ان قرار ابتعاده راجع الى السلطات الروسية!.. 

.

.

.

لو المقال عجبكم هيكون شرف ليا لو تابعتوا كل مقالاتي على صفحتي 💙😀