Translate

Tuesday, November 29, 2011

وصفة لعلاج حبوب الوجه

وصفه النهارده لعلاج حبوب البشره لكن مش حب الشبااااااب انا بكرر علاج حب الشباب
هنزله فى موضوع اخر بالصور اكيد ان شاء الله
لكن هايله لو حد بشرته بتطلع حبوب نتيجه بشره دهنيه او خلاف ذلك..


اول حاجه هنجيبازازة ماورد
ودى بتباع فى الاجزخانة


ونجيب علبة نعناع اكياس ونستخدم باكوا واحد


وليمونة ومحدش يقول ليمون على الوش ايوه جربو اليمون ده شفاء لكل الامراض ونشا وبياض بيضه

هنجيب وعاء استانلس ونحط فيه 4معالق ميه ورد وعصير نص ليمونه وكيس النعناع


بعد كده نحط معلقتين النشا



وبياض البيضه


ونقلبهم بفرشه كويس زى كده


هتخلطيهم وتحطيهم فى التلاجه فىمرطمان محكم هنستعملهم مرتين اسبوعيا

تعالوا نشوف ازاى الطريقه

دى
بفرشه هتبدأى تاخدى من الخلطه بتاعنا وتوزعى كويس اوى على الوجه وركزى على اماكن الحبوب


بعد نص ساعه تقريبا هتلاقوا البشره بدأ يظهر فيها زى تشققات
ودى نتيجه بياض البيض والنشا لانهم بيشدوا البشره جدا حتى تكادى تكونى مش
هتعرفى تتكلمى من الشد



بعد كده تبدأى تفركى البشره كويس فى اتجاه دائرى بس بالراحه
وتغسلى وشك بميه فاتره






الماسك ده بيقاوم التجاعيد وبيفتح وبيشد البشره
اتمنى تجربوه ويعجبكم

ومش عاوزه غير دعوه بالستر وصلاح الحال وحسن الخاتمه
ولكى بمثل ما دعيتى ان شاء الله

فى امان الله

No comments:

Post a Comment