Translate

Tuesday, January 17, 2012

جددى كراسى السفرة بنفسك

شوفوا يا قمرات بنتى الغالية خريجة مدارس لغات جبت لها مدرس عربى فى البيت هى وصحبتها
والله مدرس عاوز هو نفسه ياخد درس ما عليناالبيه كانت بياخد عكمة فلوس كل اول شهر
مش مهم البيه المدرس مسكتش اما عمل البيت سنتر وجاب معاه  خمس بنات تانين وكان بيديهم عندى الدرس  فين على السفرة بتاعتى المهم كل ما انضف اسبوعبا الاقى الكراسى هبطت
جبت منجد وقلت له اعمل ايه انا عاوزة انجدهم قالى الواحد يكلفك 120 جنيه يا لهووووووووووى
يعنى الكراسى ب8 فى 120
مسكتتش قعدت الف وادور لغاية معرفت ازاى انجد كرسى السفرة
الفصل الاول البدايه

انا هكتب الحاجات اللى هتجبيهم عشان تعملية بس هتحتاجى مساعدة بسيطة من  ابو العيال طبعا.




اول حاجة العدة :

*المقص

*دباسة خشب(احنا بنستخدم شاكوش تنجيد )

*مسدس شمع

*قماش

*شمع

*دبوس خشب(مسمار اسود لو شاكوش)

*قماش ابيض خفيف اسمو عبك

*لوح سفنج كثافة(احنا بنستخدم حاجة اسمها كرينة)

*شريط مطاط(احنا بنستخد شريط شد كتان +سوست خامة عالية"فرنساوى")

*شريط حرف

...........يلا نبدأ..........

اولا جوزك الشطور هيكون فاكك التنجيد القديم خاااااالص ميخليش فى الخشب اى مسمار(عقاب على فكرة عشان هيتخنق)

طبعا لو فى حاجة عاوزة تتمسك بالغراءيكون مجهزو قبل ما نشتغل فيه



*هنجيب الكرسى قدمنا وندبس طرف الشريط بس هنتنى حتة صغيرة عشان ميفرقعش فى ضهر الكرسى ونشدو على قدام جامد وندبسو وبعدين نتنية

*نيجى للجنب نجيب طرف الشريط وندخلو بين الشريط اللى احنا شدنا واحد فوق وواحد من تحت عشان يبقى شبكة وندبسو من الطرف الاول ونشط من الطرف التانى وندبسو (طبعن احنا بنحط كام طول شريط يعنى مش بيبقى واحد حسب مساحة الكرسى)

*نجيب العبك ونقطع حتة على قد القاعدة ونتنى الاطرف وندبس متنسيش تتنى الاطرف فى كل حاجة عشان الدبوس ميقعطهاش

*نكون قطعنا السفنج على قد القعدة مع ملاحظة لو فى دوران بنعملو فى السفنج ونجيب حاجة اسمها كولا (صمغ ) وندهن ظهرالسفنج عشان نسبتو على القاعدة

*نكون احنا مجهزين القماش طبعأ اقولك بنحتاج اد اية اولا القماش على عرضو والعرض بنستخدمو لـ2 كرسى الكرسى بنحتاج لية 60 سم طبعا العرض زى ما قلنا بيعمل كرسين

بندبس من الظهر ونشد قام وبنتنى القماش لجو مش لبرة عشان ميكونش فى اى نسل وبعدين من الاجناب

*نجيب بردو حتت عبك ونقلب الكرسى على الفرنتون بتاعو يعنى على دماغو وندبس العبك واحنا بندبس بنتنى العبك لجوة 1سم

يكون المسدس الشمع سخن جداااااااااا ونجيب الشريط الحرف ونلزقو على الدبابيس منخلهوش معوووووووج عشان المنظر العام

واقولك مبروك على الكراسى الجديدة

انا عارف انها مقرفة فيستحسن توديها للمنجد ومش هتكلفك كتيروهتتعمل احسن من اللى انا بقولو لانو بيستخدم حاجات التنجيد (كرينا وشريط شد تقيل وسوست وفيبر وسفنج )

يعنى الكرسى بيتكلف من بالقماش125




1 comment:

  1. اقل تكلفة كنب امريكى باشكال عصرية والون مميزة وجذابة جدا لدى مؤسسة السبيعى اتصلوا بنا ولا تترددوا
    0500296699

    ReplyDelete