نبات يقلل نسبه السكر فى الدم وعن تجربه

السلام عليكم ورحمة الله وبركاته



الاول قولوا لا اله الا الله.....صلوا على رسول الله



(صلى الله عليه وسلم)



نخش بقى فى موضوعنا



مرضى السكر النوع التانى انا عارفة انهم بيعانوا فى تظبيط السكر



وتلاقىهم محافظين اووى فى الاكل ورغم كده مستوى السكر فى الدم عاللى



طب والحل!!!!!!!!!!



الحمد لله ربنا خالق حاجات فيها الشفا بس انتى قولى يارب



فيه نبات اسمه الكريلا bitter melon ده نبات هندى بيبقى موجود فى المولات الكبيرة فى قسم الفواكه والخضروات ومش غالى



ياريت تدورا عليه مثلا فى كارفور او حد بتاع خضروات مستوردة



وشكله اهوه







ودى صورة تانية







بتستخدميه ازااااااااااى!



هوة من جوة كده فيه جزء طرى ومبذر تشيل قلبه خالص والجزء اللى برة بس هوة ده اللى بتستخدميه



تجيبى واحدة كريلا مع طماطمية وخيارية وتقطعيهم سلطة كده ولو عايزة تضيفى ملح وفلفل مافيش مانع







وتاكليهم مع الغدا او الفطار تلاقى السكر اتظبط وجسمك هتحسى بيه بقى احسن والهمدان ونشفان الريق ودخول الحمام كتير كل ده هيقل خالص



لان السكر هيبقى مستواه طبيعى



كل يوم واحدة بس تستخدميها وتحت اشراف طبيب طبعا وتتابعى بالتحاليل هتلاقى مستوى السكر بقى طبيعى



ناس كتير بتشكر فيه هنود كتير بيستخدموه وبيستغنوا عن الادوية



لكن احنا بقى هنتابع مع الطبيب لان الصحة مش بعزقة!!!!!!!!!!!!



ملحوظة



القرفة كمان بتخفض مستوى السكر العالى بنسبة 25%تقريبا



فياريت برضه مرضى السكر يشربوها



ارجو انى اكون افدتكم وماتنسوش التقييم



ودعوة حلوة ليه ولامى ولكل حبايبى



















هذا الفيديو لكيفية اخراج قلبها وتقطيعها بطريقة صح



فى التعليقات على اليوتيوب



هتلاقى الناس بتشكر فيه وقالت انها لما زودت منه جالها هبوط كمان فى نسبة السكر يعنى استخدامنا يكون رشيد وواحدة بس منه فى اليوم



على فكرة انا فيه حد غالى عليه مجرب الموضوع ده والسكر عنده ماشاء الله اتظبط



يعنى الكلام ده عن تجربة



لان هبوط مستوى السكر اخطر بكتير من ارتفاع مستوى السكر



[youtube]http://www.youtube.com/watch?v=deYLMVQTjcQ&feature=related[/youtube]































طب لو مقدرتيش تجيبى الكريلافيه حاجة حلوة جدا ونتايجهاجميلة





وهية انك تاكلى بصل مع الفطار الصبح(نص بصلة)وممكن كمان مع الغدا



ولو عايزة تضيعى ريحته يبقى بالقرنفل وده مفيد للاسنان واللثة اووتاكلى بقدونس او فص حبهان



وكمان مع شرب القرفة ان شاء الله السكر يظبط



















واتفرجوا على الفيديو ده وانتى تقتنعى



[youtube]http://www.youtube.com/watch?v=YcLhOMsGNfM&feature=related[/youtube]











وده فيديو مضحك ولكنه مفيد جدا جدا جدا لمرضى السكر وازاى يفطر ويتغدى ويتعشى



بالله عليكوا اسمعوه باهتمام ولو باباكى مامتك حد بتحبيه عنده سكر اسمعيه وقولوا له هذا الكلام المفيد



[youtube]http://www.youtube.com/watch?v=6uemYsp4tqs&feature=related[/youtube]











ملخص الكلام فى الفيديو للى يكسل









بلاش طعمية الفول احسن فى الفطار مع العيش البلدى



بلاش كفتة ضانى تكون اللحمة مسلوقة او مشوية



بلاش سمك مقلى خليه سمك مشوى مع طبق سلطة



يوم كامل لواحد عنده سكر



!-الجسم مش قادر يستهلك السكر يبقى لازم يقلل شوية من النشويات



لو بتاكل رغيف خليه نص او تلت ربع رغيف او رغيف للى بيبذل مجهود بدنى عالى



مريض السكر مايحرمش نفسه من حاجة بس بكميات صغيرة



* الفطار:فول مع جبنة ولبن و زبادى (اللبن والزبادى مش بيرفعوا السكر) مع نص او تلت تربع رغيف



* الغدا:8 7 ملاعق رز مع طبق سلطة مع بروتينات قطعة لحمة او صدر فرخة او سمك



لو المجهود البدنى قليل يبقى 6 او5 معالق رز ولو عيش نص او تلت تربع رغيف



*بعد الاكل بساعة ساعتين ثمرتين تلاتة فاكهة(وبلاش عنب او تين الاحاجة بسيطة اوووووى عشان ميحسش بالحرمان)



البلح 2بس



الكنتالوب نص واحدة



البطيخ شريحتين فقط



*العشا :زى الفطار وياريت يخفف فيه الكل خالص يعنى كوباية زبادى وثمرة فاكهة او جزارية



او حتة جبنة مع نص رغيف



اظن الامور كده وضحت



واسمعوا الفيديو واضحكوا من نفسكوا شوية



وربنا يشفى كل مريض ويعافى كل مبتلى