ازيكوا يا بنات انا بكلم البنات بس ماشى
انا كنت بدور على شقة انا وجوزى سعرها حلو كده وبعدين تعبنا اووىلغاية ما لاقنا شقة سعرها كويس وكمان فى منطقة راقيه طبعا وايه برج عالى حوالى 18 دورانا مصدقت وايه رحت لصاحبة العمارة وطلبت منها اشتريها بسرعة قبل ما تتاخد وطبعا قعدت انا وجوزى نوضبها ونفرشها وكانت ماما حبيبة قلبى بتراعى لى بنتى طول اليوم وارجع اخر الليل تعبانه ومش شايفة انام لغاية الصبح المهم جوزى شغال فى البحر الاحمر بيجى اسبوع فى الشهر خلص الاسبوع وانا لسه بوضب الشقة المهم هو سافر من هنا وقعدت اوضب الشقة واغير فى الاماكن والفرش لغايه
لما لاقيت الساعة بقت واحدة باليل يعنى وكانت
طبعا الوقت اتاخر اتصلت بماما وقلت لها انا حبات فى الشقة النهاردة وونامى انتى ومريم دى بنتى وبكره اكمل توضيب واجى لك بدرى المهم فتحت التلفزيون وقعدت ادور على حاجة اكلها واخدت حمام دافى وعملت كوبايه شاى واخدتها على السرير ودخلت انام وطبعا نمت سطيحة من غيرما اشرب الشاى وبعدين يا بنات فين الرعب بقى
الرعب كان مستخبى
سمعت نقل عفش ونقلموبليا في الدور اللى فوقي علي طول ودة بيبدأ من الساعة واحدة بالليل للصبح
تحسوا ان فية حد بينضف وطول الليل ينقل في الاثاث ودة يوميا والاسانسير طالع نازل في المعاد ده
انا متعودة انى دايما في حالى ومبتكلمش واقول مليش دعوة
لكن الموضوع دة ذاد اوى في الفترة الاخيرة وبقي الصوت اقوى
قلت اجرب اطلع بنفسي واسأل الجيران دول اية الحكاية وبلاش ابعت البواب ليفتكروها اهانة
طلعت بالنهار واخبط ومحدش رد عليا نهائي
فقلت لنفسي يمكن بييجوا بالليل وفي يوم ماما كانت بايتة معايا ومكنتش عارفة تنام خالص
فطلعت في عز اللليل والخبط -------- فوجئت بحاجة غريبة الباب مقفول بس في نور ظاهر من تحت الباب ولما سمعوا الخبط قفلوا النور ومحدش رد وكـأن محدش في الشقة والصوت سكت لحد الصبح يومها ومحصلش صوت
فقمت الصبح قلت للبواب انا عايزاك تيجى معايا الدور اللى فوقي لان الجيران معندهمش زوق خالص وحصل منهم كذا وكذا فقالي سكان مين يا مدام الشقة دى مش ساكنةمخنوقة
فقلتلة ازاى يعنى قالي دى اتباعت تلات مرات ومرة منهم عريس اخدها وباعها بعد اسبوعين بس بالخسارة وبصراحة كدة انا مش هقدر اجى معاكى ---- فقلتلة طيب انا بسمع صوت اسانسير طول الليل فقالي الاسانسير انا بقفلة الساعة 2 بالليل بعد ما اخر ساكن بييجى وبفتحة الساعة 7 الصبح
بعدها قابلت جارتى في نفس الدور فبقولها على الاسانسير فضحكت وقالتلى ياه احنا اتعودنا على كدة افتحى بس قرأن بالليل ومتخفيش --- فجيت في يوم بفتح قرأن والصوت اياه بتاع الاثاث شغال فقلت اعلي الصوت واشوف
فعليت صوت القرأن على الاخر وحطيت السماعات الكبيرة وبعد شوية لاقيت النجفة بتاعة الانترية بتتهز فقلت يمكن من الصوت فأذا بالنجفة طرقعت واللمض اللي فيها كلهم اتحرقوا اه والله يا بنات وكان فيها ييجى 6 لمض او حاجة انا دلوقت ماما بتبات معايا على طول وبرضة في صوت الاثاث بتاع بالليل بس انا عمرى ما خفت من الجن والكلام دة وقلبي جامد جدا انا ممكن اخاف من حرامى لكن جن لأ ومستحيل اصدق الكلام دة اصلا بس مش لاقية تفسير للي بيحصل وخصوصا ان محدش اصابة اذي من العمارة
والظاهر ان الموضوع طايل الشارع بتاعى كلة لأن ورايا فيلا مرعبة جدا
هى شكلها تحفة اوى بس في نفس الوقت تخافى تمشي جنبها حتى بالنهار والجيران بيقولوا عليها الفيلا المرعبة
انا كنت بعدى عليها بالليل الاقي البواب بتاعها نايم في عز البرد برا الفيلا مع ان لية اوضة كبيرة فيها وممكن يعيش في الفيلا نفسها كمان
وسمعت ان فيها قوة سلبية جامدة جدا بحيث انك تحسي برهبة من مجرد النظر ليها حتى الشجر شكلة غريب جدا
وسمعت واحدة في يوم بتقول ان واحد ومراتة والشغالة بتاعتهم اتدبحوا فيها ومن ساعتها كل اللى يشتريها يقعد فيها يوم واحد ويمشي اه والله
انا صورتهالكوا من برة ومن عند البوابة علشان تتأكدوا ان فعلا فيها طاقة سلبية عالية اوى وهبقي اعرضلكوا الصور واشوف رأيكوا بس اصغر الصور
انا شايفة انى اعزل من الشارع دة خالص وبرضة مش عايزة ابقي ضعيفة واستسلم بسهولة وخصوصا انى عمرى ما صدقت ولا خفت من المواضيع دى ابدا وكمان مش عارفة جوزى هيرضي يبيع الشقة دى ولا لأ وخصوصا انى عندى مشاكل عائلية من ساعة ما نقلت في الشقة دى
ياريت اشوف رأيكوا بليز
انا بكتبلكوا والخبط شغال دلوقت
استنونى حقول لكم على اللى حصل بعد كده
بكره
انا كنت بدور على شقة انا وجوزى سعرها حلو كده وبعدين تعبنا اووىلغاية ما لاقنا شقة سعرها كويس وكمان فى منطقة راقيه طبعا وايه برج عالى حوالى 18 دورانا مصدقت وايه رحت لصاحبة العمارة وطلبت منها اشتريها بسرعة قبل ما تتاخد وطبعا قعدت انا وجوزى نوضبها ونفرشها وكانت ماما حبيبة قلبى بتراعى لى بنتى طول اليوم وارجع اخر الليل تعبانه ومش شايفة انام لغاية الصبح المهم جوزى شغال فى البحر الاحمر بيجى اسبوع فى الشهر خلص الاسبوع وانا لسه بوضب الشقة المهم هو سافر من هنا وقعدت اوضب الشقة واغير فى الاماكن والفرش لغايه
لما لاقيت الساعة بقت واحدة باليل يعنى وكانت
طبعا الوقت اتاخر اتصلت بماما وقلت لها انا حبات فى الشقة النهاردة وونامى انتى ومريم دى بنتى وبكره اكمل توضيب واجى لك بدرى المهم فتحت التلفزيون وقعدت ادور على حاجة اكلها واخدت حمام دافى وعملت كوبايه شاى واخدتها على السرير ودخلت انام وطبعا نمت سطيحة من غيرما اشرب الشاى وبعدين يا بنات فين الرعب بقى
الرعب كان مستخبى
سمعت نقل عفش ونقلموبليا في الدور اللى فوقي علي طول ودة بيبدأ من الساعة واحدة بالليل للصبح
تحسوا ان فية حد بينضف وطول الليل ينقل في الاثاث ودة يوميا والاسانسير طالع نازل في المعاد ده
انا متعودة انى دايما في حالى ومبتكلمش واقول مليش دعوة
لكن الموضوع دة ذاد اوى في الفترة الاخيرة وبقي الصوت اقوى
قلت اجرب اطلع بنفسي واسأل الجيران دول اية الحكاية وبلاش ابعت البواب ليفتكروها اهانة
طلعت بالنهار واخبط ومحدش رد عليا نهائي
فقلت لنفسي يمكن بييجوا بالليل وفي يوم ماما كانت بايتة معايا ومكنتش عارفة تنام خالص
فطلعت في عز اللليل والخبط -------- فوجئت بحاجة غريبة الباب مقفول بس في نور ظاهر من تحت الباب ولما سمعوا الخبط قفلوا النور ومحدش رد وكـأن محدش في الشقة والصوت سكت لحد الصبح يومها ومحصلش صوت
فقمت الصبح قلت للبواب انا عايزاك تيجى معايا الدور اللى فوقي لان الجيران معندهمش زوق خالص وحصل منهم كذا وكذا فقالي سكان مين يا مدام الشقة دى مش ساكنةمخنوقة
فقلتلة ازاى يعنى قالي دى اتباعت تلات مرات ومرة منهم عريس اخدها وباعها بعد اسبوعين بس بالخسارة وبصراحة كدة انا مش هقدر اجى معاكى ---- فقلتلة طيب انا بسمع صوت اسانسير طول الليل فقالي الاسانسير انا بقفلة الساعة 2 بالليل بعد ما اخر ساكن بييجى وبفتحة الساعة 7 الصبح
بعدها قابلت جارتى في نفس الدور فبقولها على الاسانسير فضحكت وقالتلى ياه احنا اتعودنا على كدة افتحى بس قرأن بالليل ومتخفيش --- فجيت في يوم بفتح قرأن والصوت اياه بتاع الاثاث شغال فقلت اعلي الصوت واشوف
فعليت صوت القرأن على الاخر وحطيت السماعات الكبيرة وبعد شوية لاقيت النجفة بتاعة الانترية بتتهز فقلت يمكن من الصوت فأذا بالنجفة طرقعت واللمض اللي فيها كلهم اتحرقوا اه والله يا بنات وكان فيها ييجى 6 لمض او حاجة انا دلوقت ماما بتبات معايا على طول وبرضة في صوت الاثاث بتاع بالليل بس انا عمرى ما خفت من الجن والكلام دة وقلبي جامد جدا انا ممكن اخاف من حرامى لكن جن لأ ومستحيل اصدق الكلام دة اصلا بس مش لاقية تفسير للي بيحصل وخصوصا ان محدش اصابة اذي من العمارة
والظاهر ان الموضوع طايل الشارع بتاعى كلة لأن ورايا فيلا مرعبة جدا
هى شكلها تحفة اوى بس في نفس الوقت تخافى تمشي جنبها حتى بالنهار والجيران بيقولوا عليها الفيلا المرعبة
انا كنت بعدى عليها بالليل الاقي البواب بتاعها نايم في عز البرد برا الفيلا مع ان لية اوضة كبيرة فيها وممكن يعيش في الفيلا نفسها كمان
وسمعت ان فيها قوة سلبية جامدة جدا بحيث انك تحسي برهبة من مجرد النظر ليها حتى الشجر شكلة غريب جدا
وسمعت واحدة في يوم بتقول ان واحد ومراتة والشغالة بتاعتهم اتدبحوا فيها ومن ساعتها كل اللى يشتريها يقعد فيها يوم واحد ويمشي اه والله
انا صورتهالكوا من برة ومن عند البوابة علشان تتأكدوا ان فعلا فيها طاقة سلبية عالية اوى وهبقي اعرضلكوا الصور واشوف رأيكوا بس اصغر الصور
انا شايفة انى اعزل من الشارع دة خالص وبرضة مش عايزة ابقي ضعيفة واستسلم بسهولة وخصوصا انى عمرى ما صدقت ولا خفت من المواضيع دى ابدا وكمان مش عارفة جوزى هيرضي يبيع الشقة دى ولا لأ وخصوصا انى عندى مشاكل عائلية من ساعة ما نقلت في الشقة دى
ياريت اشوف رأيكوا بليز
انا بكتبلكوا والخبط شغال دلوقت
استنونى حقول لكم على اللى حصل بعد كده
بكره
Comments
Post a Comment