يوميات عاشق أحببتها برغم كل ما فيها

السلام عليكم انا طالب جامعى احب زميلتى من اول يوم فى العام الدراسى الاول حبيتها من كل قلبى نظرت اليها شاهدت ادبها واحترامها وكنت اتعامل معها على اكنها زميله لى وكنت انظر اليها وكانت تعاملنا على اكننا زملاء لها وكنت سعيد جدا بأخلاقها الحميده

وفى مره من المرات حكيت لها عن كل اللى فى قلبى ومشاعرى تجاها وقولت لها انى بحبك وقصدى خير وده من اول يوم شوفتك فيه
وانا عايزك تفكرى فى الموضوع ده كويس وتأخذى وقتك فيه وهيا كانت بتسمع الكلام ده ووشها محمر ومكسوفه فستاذنت ومشيت وبعد نصف ساعه بالضبط زميلى اتصل بيا وقالى ان فيه واحد زميلنا فى المدرج كلمنى وسأل عنى قلت له مين ده قالى هو بيسأل عنك روحت بالصدفه وانا فى الجامعه قابلته وقلت ليه انت كنت عايزنى فى حاجه هو اللى يشوفه يقول عليه صايع بس لما كلمته باحترام رد عليا باحترام وقال احنا زملاء بس ماينفعش نتخانق مع بعض علشان خاطر بنت بس هيا تخصنى انا اول ما سمعت الكلام ده اتفأجئت به وقلت انا ماكنتش بعرف اللى بينك وبينها وانا كان قصدى خير فعلا وعموما حصل خير وانا اسف على سوء الفهم ده هو تقبل الموضوع وانا مشيت على طول خلال اسبوعين بالضبط كانت بتبصلى حتى فى وجود الواد اللى كلمته ده وبعد اسبوعين فى يوم كان عندنا امتحان ميت ترم وسألتنى فى اليوم ده اننا عندنا امتحان النهاردة ولا لا قولت ليها انى معرفش فيه اللى بيقول عندنا وفيه اللى بيقول ماعندناش وكنت بكلم معاها بزعل هيا استغربت الكلام واستأذنت ومشيت وبعد كده برده كانت بتبصلى كتير جدا وكانت برده بتسالنى كتير عن الامتحانات والشيتات حتى فى وجود الواد اللى معاها على فكره انا عن نفسى مش خايف منه بس انا بشرحلكم الموقف وانا كنت بكلمها عادى كزميله الواد ده بعد كده راح لواحد صاحبى وقاله ان مش عايز صاحبك يبصلها ويكلمها والا مش هايحصله طيب يعنى كان عايز يعمل نمره عليا يعنى زميلى رد عليه وقاله ان ماحدش يقدر ييجى ناحية صاحبى وبصراحه زميلى ده محترم وكبر فى نظرى اوى بس الكلام ده وصلى بعدين بعد الامتحانات حتى منعا للمشاكل طب هو انا كده غلطان فى حاجه هل انا غلط لما روحت للواد ده وكلمت معاه وأعتزرت ليه فى الاخر انا فى الاول ماكنتش اعرف انه تباعها افتكرته زميل كان عايز حاجه وهل هيا غلطت انها حكت ليه عن الحكاية دى وليه بعد كده حتى فى وجوده كانت بتبصلى وبتسألنى كتير كده وليه الواد بعد اللى حصل عايز يتفتون عليا ويعمل عليا نمرة وراح يكلم مع صاحبى على الموضوع ده طب ما كان يجى ويقولى الكلام ده فى وشى لو كان راجل وانا كنت هاوقفه عند حده فعلا طب انا بقى فى الموقف ده اعمل ايه لما اقابلها مره تانية اكلمها ام ابعد عنها واعاملها على اكنها زميله فقط لا غير وفى مره انا كنت بكلمها على الفيس وهى بترد عليا عادى وكنت بعتلها رساله فى العيد وهى لم ترد عليا وبعد كده بعت ليها رساله ثانية ولكن برده هى لم ترد روحت باعت ليها رساله اعتزرت ليها ان لو رسائلى بتسبب ازعاج ليها وانى بتمنى لها ان تكون بخير دائما وقولت ليها انى مش هاضايقها تانى وكل الرسائل دى هى كانت بتشوفها بس ماكانتش بترد عليا خالص لكن فى الاول كانت بتكلمنى عادى ومن كام يوم روحت الجامعه وشوفتها حسيت انى روحى رجعتلى من تانى بس ماكلمتهاش انا فى الحقيقه احبها من كل قلبى والله يشهد بذلك حب صادق وشريف فأرجو ان تساعدونى فى هذا الموقف واسف على الاطاله ولكم منى جزيل الشكر
ممكن تعرضوا قصتى فى الصفحه للبحث عن حل