حرامى بنات

رسالة الى كل زوجة مات زوجها او انفصلت عنه احظة من غضلك قبل ما ترتبطى بزوج جديد اليكى هذه القصة الواقعية والتى ليس بها خلط او زيف
أنا متجوزة من شخص للمرة الثانية وهو  كنت احسبه  ملتزم وبيخاف ربنا ولا يترك فرض  وقارئ للقؤآن باستمرار وده اللي خلاني اقبله لان كنت متجوزة قبل كده وعندي بنت هي الان 12 سنة وقولت انا مش لوحدي وماينفعش اتجوز اي حد لازم يكون بيخاف ربنا علشان يتقي الله في بنتي
المهم اتجوزته وكانت حالته المادية بسيطة وقولت معلش وكنت بصرف علي نفسي وعلي بنتي
وربنا رزقني بطفل منه وبنتي طايرة بيه وفرحانة بيه جدا
انا بحافظ علي لبس بنتي امامه والحمد لله ومش بحاول اسيبهم مع بعض لوحدهم اتقاء لاي فتنة
وهو كان بيتضايق ويقولي ليه كده خليها براحتها وانا زي باباها
النهاردة الصبح سمعت صوت كلام خفيف قومت لقيت بنتي في اوضتها بتترعش وهو جنبها كنت هموت وقولتلها في ايه قالتلي ان عمو فتح الباب عليها وهي نايمة وطبعا صيف وبنتي تقريبا جسمها كله باين وبتحاول يا حبيبتي تغطي نفسها وتستر نفسها بنتي صحيح 12 سنة بس بلغت وكبرت ما شاء الله
وقالت انها فتحت عينها لقيته قاعد علي الارض علي ركبه وبيبص عليها ولما فتحت اتخضت وقالتله بتعمل ايه هنا يا عمو وخافت قالها انتي شكلك حلو قوي وانتي نايمة
انا  تعبانة ومتعبة وغضبانه للاسف تائهة
وهو من ساعتها عمال يعتذر ويحلف انه ما هيعمل كده تاني وقال اني السبب في كده لاني قافلة بينهم ومخلية جسور وان الممنوع مرغوب فضربته بالقلم علي وشه طبعا هو مش النوع الضعيف ولا المسكين لا ده شخصيته قوية جدا لكنه خد القلم وسكت وقالي بتضربيني بالقلم قولتله اه ولا مليون قلم هيبردوا نار
انا غلطت اني كنت بحافظ علي بنتي ؟؟؟
انا عارفة انه من محارمها ومع كده ما كنتش بخليها تلبس براحتها في البيت عشانه وكمان هي بتتكسف
بالله عليكم قولولي اعمل ايه اطلق منه ولا افضحه وسط اهله ولا اعمل ايه وايه الغلط اللي ارتكتبته وليه الناس بقت وحشة كده حتي في رمضان وصايمين كمان مع العلم انه مش بيشرب حتي سجاير