Translate

Sunday, October 7, 2012

BabyLiss pro 230&st95e

صراحه انا قبل ما اشتريها دخلت النت افرفر عن افضل انواع البيبى ليسات <<< جمع بيبى ليس




وهم كنت ابى سعرها مناسب يعنى مابى سعر رخيص وسلعه زفت ولا ابى سعر غالى وما تضبط معاى



ولمن فرفرت حصلت بنات بالمنتديات من جنسيات متعدده يمدحون هالنوع تحديدا من البيبى ليس



لانه به طبقه من التيتانيوم اللى هى لونها ذهبى على بيج تحمى الشعر من التقصف ومدرى به ايونات هم لحمايه الشعر



وانها تخليه لامع وهادىء ومن مميزاتها انها للشعر الجاف والمبلل



وفيه بنات مصنفينها بالنت انها تستحق 4 من 5 نجوم وكذا واحده ذكرت انها شرت براون وانواع اخرى اغلى



ورغم انها اغلى من هذى الا انها للشعر الجاف فقط ومانفعت معهم ابدا وندمو انهم شروها



المهم انا جربها على الجذله مره وطلعت حلوه وقولت انها تنفع فقط لضبط الشعر بعد الوضوء او العرق الخ



ولكن جيت من اسبوع جانى عرس مفاجىء وغسلت شعرى كله وتركته لين نشف وسويته بهذى البيبى ليس



بدون سشوار صراحه ممتازه كنى خارجه من الكوافير



اصلا انا احب اسوى شعرى لنفسى لانى بقدر اضبطه اكثر وصراحه ماكنت متوقعه هالنتيجه



وعلاوه ان هى للشعر الجاف والمبلل الا انه بها زر تيربو يطلع الحراره 20 درجه مره واحده



وهذا لاصحاب الشعور القاسيه او الخشنه



المهم انا سويت هالموضوع عشان افيد اللى تبى تشترى واحده وهى تنفع للى شعورهم عاديه مثلى



شخصيا شعرى كيرلى واحيانا مموج بس فتلته ناعمه واحيانا يصير جاف بس مو خشن


والايونات والتيتانيوم الموديل st95e وب500 جنيه . وقالوا انها موجودة فى بى تك . وانا ملقتهاش وقالوا كمان اسبوع وهتيجى وكمان سنة




واتخنقت ووصيت عليها شركة مونيليكش وبرضو نشفوا ريقى



وفى الاخر جبتها من شركة براون . و490 جنيه بس والاصلية وضمان سنة



واصلية ليه بقى .. عشان السيراميك بتاعها بيج والحافظة بتاعتها اللى الناس فكراها شنطة هههههههه وهى مش شنطة هى زى ما تقولوا



كده حافظة بتحطى عليها المكوة اثناء ما بتكوى بتريحى المكوة يعنى عليها وهى سخنة بس تفتحيها الاول على الاخر وتحطى المكوةوهى



سخنة على الناحية اللى من جوا مش من ضهرها عشان ما تسيحش . وممكن تحطى المكوة فيها وتقفلى عليها وتحطى فى الشنطةوانتى



خارجة عادى . بس هى استخدامها الاصلى فى موضوع وضع المكوة عليها وهى سخنة تمام كده . وادى صورة البيبى ليس بتاعتى الاصلية



اللى جبتها بعد عياط وشد فى شعرى هههههههههههههههه والحافظة بتاعتها لونها فضى







المهم بقى . فى اللى قال عليها حلوة واللى قال عليها هايلة واللى قال مقدرش استغنى عنها . كل ده محصلش لانها مش كده خالص دى



بالصلاة على النبى كده



تهببببببببببببببببببببببببببببببببببببببل . تجننننننننننننننننننننن . تهووووووووووووووووووووووووووووس . تلحسسسسسسسسسسسسسس



يالهويييييييز على دى مكوة يانهار ابيض على دى مكوة



والله بالله يابنات ماليها حل رووووووووووووووووووووووعة تحفففففففففففة فوق الوصف . ظلموها اللى قالوا عليها حلوة



انا بندم انى مجبتهاش من زمان لكن ده نصيب والحاجة فى اوانها حلوة



بصوا بقى هى بجد حلوة جدا جدا جدا وتنفع لاى شعر فى الدنيا



هايش . مموج . مجعد .ناعم . قصير . طويل .رفيع . تخين . ابيض . اسود . اخضر هههههههههههههههههههههه



تناسب كل انواع الشعر .ومش بتعمل كيرلى رفيع بتعمل كيرلى تخين وحلو . بتنى القصة بتاعتى بيها وببقى ولا سمر فى العشق الممنوع



وعلى فكرة بتاعتى مش معاها بيبى ليس صغيرة . عشان عارفة بنات هتسأل دلوقتى وتقولى . لا انا بتاعتى قطعة وحدة وب490 من براون



وبضمان سنة



بصوا بقى انا قبل ما اجيبها ذاكرتها كويس اوى وعرفت اعمل بيها من اول ضربة



روحت البيت كده غسلت شعرى كويس وحطيت حمام كريم ودهنت حتة سيرم زيرووووووووووو فريززززززز واللى هتقولى بيلزق ويحزق ويخزق



هخزقلها عنيها



عشان والله العظيم سيرم زيرو فريز اللى علبته شفافة وغطيته فوشيا ملهوووووووش حل وبكتر منه ولا بيلزق ولا كلام فاضى . دى بينعم بينعم



بينعم . بس مع المكوة فقط يعنى لو حطتيه قبل المكوة مش بينعم . بينعم بس بعد ما تكوى وتحطى منه شعرك بيوقع على عنيكى من



النعومة .



بصوا انا هقولكم طريقة الاستعمال بالظبط اوكيك يابنات



بعد ما دهنت شعرى بحتة سيرم لفيته بتوكة ديل حصان عادى جدا . وعلى فكرة انا شعرى جاف ومقصف وقصير ومش ناعم اوى يعنى فيه العبر



وحتى راجعوا موضوعاتى كنت بسأل ع البيبى ليس واستفسر وكاتبة نوعية شعرى .



المهم نمت بقى بيه وتانى يوم نشف وتمام التمام . وجيت بقى سرحته وقسمته نصين فرقت فى النص يعنى . ومسكت بالخصلة المتوسطة لا



هى كبيرة ولا هى صغيرة . خصلة كويسة كده . وشغلت البيبى ليس على اعلى درجة ومخفتش ولا حاجة عشان انا واثقة فى البنات لما قالوا



حتى لو عملتيها على 230 اعلى حاجة مش هتحرق شعرك . وكويت الخصلة بالراحة ومشيت المكوة على مهلى وبتجيب الجذور على فكرة



ومن اول تمريرة شعرى بقى نااااااااااااااااعم . وقعدت اعيط واقول مليش دعوة انا عايزة شعرى الاولانى القديم اللى انتى كويتيه هههههههههههه



على اعتبار انه الاصلى ولازم احتفظ بيه يعنى هههههههههههههههه



المهم بالخصلة واكوى وامرر كذا مرةمع انه اتفرد بس اهو غلاسة كده .بفلوسى واعمل اللى انا عيزاه



وبعد ما خلصت خالص جيت عند القصة وتنيتها كده لقيتها رووووووووووووعة ولقيت شعرى قال ايه طول واتفرد وبعدين حطيت حتة سيرم ولقيت



شعرى ناعم ومش حاسة بيه على شعرى من نعومته



ورايحة جاية بيه ولا كأن النهاردة العيد .



وبصوا اول مرة النتيجة كانت مبهرة وهايلة . بس بقى المرات اللى بعدها انا اتجننت واستعجبت سبحان الله ما هى هى المكوة وهو هوشعرى



ليه المرة التانية طلعت احلى والتالتة احلى وهكذا . فى فتوكة كانت قايلة مع الاستعمال المتكرر ليها عرفت اد ايه انها هايلة .وفعلا كل مرة



احلى من اللى قبلها



بس انا شعرى حتى لوكان مكوى ونمت بيه بصحى الاقيه منعكش والكوى باظ فبعمله كعكة من قدام .انا بقول شعرى ممكن انتوا تناموا وتصحوا



بيه ويفضل زى ماهو عادى



المهم بيفضل مكوى ومفرود اسبوع بحاله .وبحطله سيرم وهو مكوى كده بعد كام يوم من كويه بيبقى روعة وطبيعى مش واقف ولا باين انه



مكوى . . شعرى مش باين انه مكوى خالص . باين ان هو كده طبيعى



واحيانا بعيد عليه لما الاقى مثلا من العرق او ميه الوضوء فى شوية باظوا بعيد عليهم . بس بعيد عليهم بأيه بقى ؟؟؟؟



بالبخار . خاصية البخار اللى موجودة فى المكوة واللى فى بنات كتير مستخدمتهاش وخايفة منها . انا بقى استخدمتها وهقولكم استخدمتها



ازاى ..



اولا . انا جبت للبخار ميه مقطرة . من عند بتاع العربيات الميكانيكى يعنى . او بتاع الموتسيكلات تقوليله ميه بطاريات .



ليه بقى ميه البطاريات دى ؟؟



عشان ميه الحنفية فيها املاح ممكن تاكل المكوة وتبوظها . لكن الميه المقطرة او ميه البطاريات مفيهاش املاح لذلك انتى لوشربتى منها مش



هترويكى . والراجل اللى فى براون قالى كده . وجبتها على طول قزازة كده زى قزازة الميه المعدنيه اللى ب2 جنيه نفس حجمها يعنى وبرضو



ب2 جنيه بس



انا بعمل ايه بقى فى موضوع البخار ده .



بجيب . المكوة واشيل الخزان بتاع البخار ده والجلدة السودا واجيب الحقنة واشيل الابرة واملى الحقنةميه .



واضرب الحقنة للمكوة هههههههه املاها ميه يعنى لحد ما الخزان يتملى واروح قافلة كويس ومركبة الخزان فى المكوة وامسح بقى



وانشف كويس عشان لو ميه جات كده ولا كده تحرق المكوة لا قدر الله . اسكتوا حلمت انها تحرقت وصحيت مفزوعة والله . بعد الشر على



مكوتى حبيبتى اللى سترانى ومحليانى هههههههههه . من حبى فيها بحلم بيها لأ وايه بخاف عليها كمان هههههههههههه



المهم بروح مركبة الخزان ومنشفاها كويس واحط الفيشة واشغل زر البخار على المستوى الاول واسمع الصوت بقى وانا بكوى



تششششششششششش بحس انى كوافيرة والله



انا بستخدم البخار لما بعوز اعيد على شعرى المكوى .



بصوا فى بنات قالوا ان المكوة بتدى لمعة رهيبة بصراحة اللمعة مش اوى . انا بحس ان شعرى بيلمع موووووووت لما بحط السيرم قبل وبعد



المكوة مهم يابنات نحط السيرم قبل وبعد



اللمعان بقى بحسه امتى لما بعمل شعرى بالبخااااااااااار بيديله لمعة رررررررررهيبة . يبقى اللمعة فى البخار يابنات والله



بس خلى بالكم الخزان بيخلص بسرعة خالص .ولو خلص وانت لسة مخلصتيش عادى اقفلى المكوة وشيلى الخزان وامليه تانى ونشفى



وركبى وشغلى المكوة وظبطى الحرارة 230 او زى ما تحبى وتشغلى المستوى الاول للبخار . واوعى تسيبى البخار شغال والخزان مفيهوش



ميه . اوعى تنسى زر البخار شغال اقفليه على طول بعد ما تخلصى او بعد ما الميه تخلص عشان المكوةما تبوظش



وعلى فكرة المشط عادى شغلتيه او لا مش هيفرق انا بحب يكون مقفول لان وانا فاتحة المشط بحسه بيسرح شعرى بس بيقطعه . بس هو



حلو . براحتكم يعنى



بعد ما اعيد على شعرى بالبخار مع انه مكوى قبل كده . فبيبقى تحفة مووووووووووووووووووووت جدا خالص واحط السيرم برضو لازم عشان



يحافظ على الشعر والسيرم جنان وريحته تحفة و ب45 جنيه وتقيل . لو خفيف يبقى مش الاصلى



المهم انا بكوى شعرى كل اسبوع + بعيد عليه احيانا وشعرى ولا وقع ولا حاجة ولا اتأثر بحرارة المكوة بالعكس انا بحب اكوى وبلاقى متعتى وانا



بكوى . والمكوة كبيرة وعريضة فبخلص بسرعة . حلوة و مش تقيلة ولا حاجة . بصوا هايلة وحرارتها عالية وبتفرد كويس .وروعة بصراحة



اللى مجبتهاش وناوية تجيبها . تجيبها على طول مش هتندم . ولا تقول تناسب شعرى ولالا . تناسب اى شعر والله



وبعد ما بخلص اسيبها تبرد خالص . وامسحها كويس واشيلها وبس خلاص



اى استفسار انا تحت امركم



وبشكر العضوات اللى افادونى واللى بعتلهم رسايل خاصة وردوا عليا . وعرفونى كل حاجة عن البيبى ليس



وعلى رأسهم العضوة ( بكار ) اللى زهقتها معايا وتعبتها بأسئلتى وكنت بتجاوبنى ربنا يباركلها يارب



والعضوة ( ترانيم المطر ) حبيبة قلبى والعضوة ( I hate that moment) والعضوة ( القطة العمياء ) وختامها ميسك للعضوة الرقيقة ( دلوعة مودو)



يارب ما اكون نسيت حد يارب



بجد يابنات البيبى ليس الحمرا حلوة اوى اوى وتستاهل الف جنيه مش 490 ده انا عايزة ادى للراجل فلوس تانى هههههههههههه



بتخلى الشعر سااااااااايح وناااااااااعم وبيبرررررررررررررق وانسى الفرد ومشاكل الشعر حلوة جدا ومش بتبوظ الشعر بالعكس جميلة .



والله على ما اقول شهيد



اى سؤال انا فى خدمتكم انا خبرة فيها مووووووووت اسألوا براحتكم



يلا سلام








ال


No comments:

Post a Comment