حفط وتجميد الخضروات

اولا طريقه حفظ الملوخيه


تختار الاوراق الخضراء الطازجة من الملوخية وتستبعد الاوراق المخرمة
وتغسل الملوخية وتقطف وتهوى للتخلص من الماء وذلك بوضع الملوخية على ورق ماص
تخرط الملوخية ويضاف لها قدر نصف كوب شوربة مغلية ( بهريز ) او ماء مغلى لكل كيلو جرام ملوخية ( بعد التقطيف )
لا توضع الملوخية على النار ولكن تعبا رأسا فى اكياس نايلون وتحفظ فى الفريزر

ثانيا طريقه حفظ السبانخ


تغسل السبانخ جيدا ثم تقطع صغيرا ثم تترك السبانخ حتى تجف تماما ثم تعبأ فى اكياس وتحفظ السبانخ فى الفريزر


ثالثا طريقه حفظ ورق العنب


يرص ورق العنب فوق بعضه وتربط كل كمية مع بعضها ثم تغسل جيدا
توضع جميع الاوراق فى ماء مغلى يكفى لغمرها لمدة دقيقتين ثم ترفع وتترك لتبرد
يعبأ ورق العنب فى الاكياس ويحفظ فى الفريزر

رابعا طريقه حفظ القلقاس


يقشر القلقاس دون غسيل
يجفف القلقاس بفوطة نظيفة ويقطع الى مكعبات ثم يعبأ فى اكياس نايلون دون سلق ويوضع فى الفريزر


خامسا طريقه حفظ الخرشوف



يقشر الخرشوف وينزع الزعب الداخلى بكحت الخرشوف بملعقة صغيرة
توضع وحدات الخرشوف مباشرة فى ماء به عصير ليمون حتى لا يتحول لونه الى السواد ( كلما نفرغ واحدة من الخرشوف نضعها سريعا فى الماء بالليمون )



نضع الخرشوف فى مصفاة او قطعة شاش مع اضافة ملعقة كبيرة عصير ليمون وملعقة كبيرة دقيق وملعقة صغيرة ملح الى الخرشوف
يحضير اناء به ماء وملح يكفى لغمر المصفاة او الشاش ثم يرفع على النار وعندما يقترب من الغليان تغمر المصفاة التى بها الخرشوف ويترك الخرشوف يغلى لمدة 6 دقائق
يرفع الخرشوف من على النار وتغمر فى الحال فى اناء به ماء بارد لمدة دقيقتين للمحافظة على خواصها الطبيعية

ترفع المصفاة من الماء وتبقى حتى يتخلص الخرشوف من الماء ويجف تماما

يحفظ الخرشوف فى اكياس من نايلون ويحكم اغلاقها وتحفظ فى الفريزر


سادسا طريقه حفظ الفاصوليا




تغسل الفاصوليا جيدا وتزال منها الخيوط الجانبية
تقطع حسب الرغبة وتوضع الفاصوليا فى مصفاة


يتم تحضير اناء به ماء وملح يكفى لغمر المصفاة او الشاش ثم يرفع على النار وعندما يقترب من الغليان تغمر المصفاة وتترك الفاصوليا تغلى لمدة 34 دقائق
ترفع الفاصوليا من على النار وتغمر فى الحال فى اناء به ماء بارد لمدة دقيقتين للمحافظة على لونها الاخضر وعلى خواصها الطبيعية
ترفع المصفاة من الماء وتبقى حتى تتخلص الفاصوليا من الماء وتجف تماما
تحفظ الفاصوليا فى اكياس من النايلون ويحكم اغلاقها وتحفظ فى الفريزر

سابعا طريقه حفظ الباميه


تغسل البامية جيدا ثم تترك فترة فى مصفاة لتخلص من الماء
تقمع البامية بازالة الجزء العلوى بشكل هرمى دون ان تقطع الحبة حتى لا تتسرب عصارتها
توضع فى مصفاة ثم يتم غمر المصفاة فى ماء مغلى مضاف اليه مقدار من الملح وواحد جرام بنزوات او ملعقة كبيرة عصير ليمون وذلك لمدة 5 دقائق ثم ترفع المصفاة وتترك حتى يصفى الماء تماما
تترك لتبرد وتجف تماما وتعبأ فى اكياس نايلون بحيث لا تترك فراغا ت بقدر المستطاع ثم يحكم غلق الاكياس باستخدام سكين ساخن


توضع الاكياس فى الفريزر او الديب فريزر لمدة تصل الى 6 اشهر


ثامنا طريقه حفظ الثوم

نقشر كمية كبيرة من الثوم


نضع كمية منه في الكبة أو فرامة البصل ونضيف له
حوالي 1ملعقة صغيرة ملح
نصف فرمة ( بمعنى ليس ناعم) نفرمة
ثم نقوم بإضافة نصف ملعقة صغيرة اخرى ملحو2ملعقة كبيرة زيت ذرة

ثم نقوم بفرمة مرة أخرى حتى نصل به إلى الدرجة المفضلة لديكِ (ناعم –أو ناعم جدا ) حسب الرغبة .

نحضر علبة بلاستيك لها غطاء محكم
وتكون نظيفه وجافة جداً .
(إستخدمت علبة الحلاوة الفارغة )
ونضع فيها الثوم .
نساوي السطح ثم نضع عليه طبقة من الزيت
بإرتفاع نصف سم تقريباً .

وأحكمي غلق العلبة وضعيه في الفريزر .
ممكن نستعمل علب مختلفة الاحجام .

ويستخدم عند الحاجة ويعاد غلقة بإحكام وإعادته الى الفريزر .

الملح المستخدم أثناء الفرم يسهل الفرم ويجعله أنعم .

الزيت المستخدم أثناء الفرم يحافظ على لون الثوم فلا يتغيرمع الوقت .

الزيت المستخدم في السطح يحافظ على الثوم من
الجفاف أو التغيرات نتيجة حفظه لفترات طويلة (يظل طري )

يجب غلق العلبة بإحكام حتى لا تنتقل الرائحة إلى الفريزر أو الاغذية الأخرى المحفوظة
.يجب عدم ترك العلبة خارج الفريزر لفترات طويلة .
(فقط خذي ما تحتاجيه ورديها فوراً إلى الفريزر ) .

يمكن إستخدامة مع كل أنواع الطعام والسلاطات أيضاً

اليكم طريقه اخرى



احنا نفرمها وبعدين نحطها في قالب الثلج ويكون متوسط الحجم

ونسويها في الفريزر لمن يتجمد وبعدين نطلعها وهي جامده في كيس نايلون

وهيه جامده ونحطها في الفريزر ونكرر العمليه ووقت الطبخ نطلع مكعب واحد حسب الحاجه

طبعا قالب الثلج يكون خاص للثوم فقط ما نستخدمه في شي ثاني

وانتوا ومزجكوا بقى

أنا بشترى الثوم فى شهر مايو لان سعره بيكون رخيص وكمان بيكون مش جديد فيبقى تقشيره صعب ولا قديم فيبقى فاضى ....
بجيب الثوم واقشره واحطه فى الخلاط باحط معاهم فلفل اخضر وكسبرة خضرة وكمون كتير وبضربهم مرة تانية لحد ما المكونات تنعم وبحطهم فى برطمان تانى عشان تتبيل السمك وطواجن الجمبرى والكاليمارى.. وتبيلة البدنجان المخلل وحاجات كتير.......وبيقعد عندى من السنة للسنة اللى بعدها..

تاسعا طريقة حفظ الطماطم

من المعروف ان في موسم انتاج الطماطم يتكدس الانتاج ويزيد العرض عن الطلب مما يقل سعرة وكثير من الانتاج يتلف وهناك عدة طرق لحفظ الطماطم منها طريقة سهلة وميسرة ممكن يعملها اي شخص وهي :معجون الطماطم :
المقادير والمواد:
طماطم - ملح الطعام - ملح اليمون - قليل من دقيق القمح - زيت .

الطريقة :
- نختار ثمار الطماطم الحمراء الخالية من الاصابة .
- تقطع الطماطم وتفرم (تطحن ) في الخلاط ثم تصفى بمصفاة نضيفة (من البذور والقشور ) .
- يوضع العصير على النار ويضاف الملح مع قليل من ملح اليمون ثم يضاف قليل من دقيق القمح مع التحريك المستمر حتى يغلظ قوام العصير .
- يعبأ في زجاجات نظيفة ومعقمة وتغطى بطبقة من الزيت


طريقه اخرى


بجيب الطماطم مستوية وبعدين اضربها فى الخلاط واصفيها بصفايه .. وبعدين احط لكل كيلو طماطم تلات ملاعق سمن واسيبها لحد ماتنشف مايتها خالص وبعدين احطها فى اكياس وكل كيس على قد الاكلة..

عاشرا الخضرة


:بالنسبة للبقدونس والكسبرة والشبت بغسلهم كويس اوى وانقعهم بعد كده فى ماء مضاف ليه معلقة خل وبعدين افرمهم ناعم اوى بمخرطة الملوخية واصفيهم لمدة ساعتين على قطعة قماش وبعدين احطهم فى كيس وكل ما احتاج شويه اخدهم من الكيس على طول..وباستخدمه لخلطة المحشى والممبار والفول بالتقلية وساعات لما بيكون عندى عزومة بافرشهم تحت الاكل فى الطبق وارشهم على الطبق

الحادى عشر طرق حفظ الليمون


يعصر الليمون ويصفى بمصفاة سلك ناعمة
يعبأ الليمون في قوالب الثلج او اكياس النايلون الخاصة بحفظ الثلج ويحفظ فى الفريزر



البسلة:


بجيب البسلة واخرج حبوب البسلة من قشرتها واحطها فى كيس مع جزر مقطع مكعبات صغيرة ... وبس


البطاطس المقلية:


باقشر البطاطس واغسلها بعد ماأقشرها بس... وبعدين اأقطعا صوابع متوسطة وطويلة.. وانقعها فى ماء ساخن وملح وخل وملعقةسكر..(لكل كيلو بطاطس 1لتر ماء ساخن و3ملعقة ملح صغيرة وربع كوب خل وملعقة سكر) واتركها فى الماء منقوعة لحدمايبرد (مش اوى )يكون دافئ واحمرها فى زيت غزير وساخن جدا واقلبها باستمرار لكن بعد ما تاخد اللون الاصفر الفاتح.. واقلبها لحد لونها ما يبقى دهبى فاتح وأنشلها على ورق ماص للزيت واسيبها لحد ماتبرد وبعدين احطها فى علبة بلاستيك فى الفريزر... واخرجها فى اى وقت على الطاسة اللى فيها زيت ساخن جدا على طول من الفريزر(عشان درجة برودة البطاطس هتقل درجة حرارة الزيت فلازم يكون الزيت سخن اوى اوى)


حفظ الجزر الاصفر


-يكشط الجزر ثم يغسل.
- يقطع بحسب الرغبة اما الى دوائر أو الى مكعبات أو شرائح طوليه.
-قومي بغلي كمية من الماء تكفي فقط لغمره وأضيفي اليها بعض الملح.
-ضعي الجزر في مصفاة أو في قطعة شاش ناعمة واغمريها في الماء المغلي المضاف اليه قليل من الملح واتركيها تغلي لمدة 3-4 دقائق.
-ارفعي الجزر واغمريه في اناء به ماء بارد واتركيه لمدة تتراوح بين الدقيقة والدقيقتين.
-ارفعي الجزر في مصفاة حتى يتخلص من الماء. ثم قومي بتعبئته في أكياس من النايلون وتخلصي من الهواء واضغطي الأكياس في درج الفريزر.



لحفظ الباذنجان الرومي:



-اغسلي الباذنجان الرومي الطازج وقشريه وقطعيه الى حلقات.
-انثري عليها بعض الملح واتركيها لمدة 5- 10 ساعات ثم اغسليها بالماء.
-اقلي الباذنجان نصف تحمير واخرجيه على فوط ورقية لتتشرب الزيت الزائد واضغطي عليها بفوطة ورقية أخرى بيدك للتأكد من التخلص من الزيت.
-عندما تبرد كل كمية الباذنجان صفي الباذنجان في علب من البلاستيك على أن تحتوي كل علبة على كمية تكفي لطهي صينية مسقعة حسب أفراد الأسرة.
-اغلقي العلبة جيدا وضعيها في الفريزر أما السبب في استخدام العلب فهو أنها تحافظ على قوام شرائح الباذنجان سليمة بخلاف الأكياس التي يمكن أن تتسبب في اهترائها لتصبح شهية طيبة مع كل وجبة تعدينها من الخضراوات المجمدة في الصيف.
12 شهرا حدا أقصى لتاريخ الصلاحية:


خامسا الموز:

لكل كيلو موز ربع كوب لبن و2 ملعق سكر واضربه فى الخلاط هايبقى عندك جرانيتا موز تحفة ... باخد منها بالمعلقة واعمل عصير موز باللبن او بحطها على فروت سلاط بدل الأيس كريم وبحطها كمان على الكيكة وهية لسه طالعة من الفرن (ساخن مع بارد) بس مش هاقدر اوصفهالكو يمي موت..



الجوافة:

باقطعها شرايح واحط عليها سكر واشيلها فى الفريرز فى اكياس حسب الحاجة...


الرومان:

بافص الرومان واخرج الحب واحط عليه سكر واشيلة فى اكياس ... ومش بيتجمد برضه.. وباستخدمه فى الفروت سلاط وسلاطة الرومان وتارت الفواكه وكزينة لكثير من الحلويات والايس كريم.. وكمان بعمله عصير واصفيه .

العنب:


باشترى العنب اللى حباته كبيرة سواء كان أحمر أو أخضر.. وباشيله فى اكيس بعد ما بأفرط العنب من العنقود واغسله.. وباخد كمية منه واسيبها يومين على صينية كبيرة مفروشة بورق ابيض وعلى الورق فوطة قماش .. وبعدين اجيب حلة واحط فيها ماء مغلى وزيت لوز (لكل لتر ماء ملعقة زيت لوز صغيرة) ونضع فيها العنب بعد ان أصبح ذابلا" لمدة ثلاث دقائق وبعدين باصفى العنب وبعدين باحطه مرة تانية على نفس الصينية وباسيبها فى مكان مشمس اوى لمدة عشرة ايام وكل يوم باقلبه.. هايبقى عندك زبيب بيتى .. انا باعملة لو كان العنب اللى عندى بقى ذابل او كان مش حلو اوى...


الليمون والبرتقال البلدى:


الاتنين باعملهم بنفس الطريقة... الاول بابشر قشر الليمون اوالبرتقال بمشرة صغيرة اوى.. ماتبشريش الجزء الابيض..
. وباحتفظ بيهم فى علب تلاجة صغيرة اوى او برطمانات صغيرة
طريقة حفظ جميع الخضروات و الفواكة فى الديب فريز

..
البلح الرطب (الاسمر):


باشيله فى برطمان بعد ما أشيل النوى وأقسمه نصفين.. باحطه بالطول جنب بعض وده بيسهل انى اخد منه من غير مايتقطم .. وعلى فكرة مش بيتجمد أبدا" .. وبعمل منه تارت البلح وكيكة البلح فى اى وقت فى السنة...



الليمون والبرتقال البلدى:


الاتنين باعملهم بنفس الطريقة... الاول بابشر قشر الليمون اوالبرتقال بمشرة صغيرة اوى.. ماتبشريش الجزء الابيض... وباحتفظ بيهم فى علب تلاجة صغيرة اوى او برطمانات صغيرة لانى باعمل كميه كبيرة جدا..وبعدين باقسم الليمون والبرتقال اللى بشرت قشرتهم نصفين وباعصرهم كويس وباحطهم فى علب مكعبات التلج ... وباعملهم مكعبات ليمن وبرتقال.. وكل مكعب على قد كوب العصير لو قلبناه كويس مع ماء وسكر... او كميه مكعبات فى الخلاط مع مياة وسكر.......وكمان مكعبات الليمون باتبل بيها الفرخ والبفتيك مع باقى المكونات طبعا.. وباعمل منها كل حاجة.. الشربات بتاع الحلويات.. وباغلى مع مكعب ليمون شوية مياه فى اى حلة المونيوم يكون لونها بقى غامق... وحاجات تانية كتير .. يعنى انتى ومزاجك.

طرق حفظ المشمش


الاول بنغسل المشمش كويس و نختار المستوي منه و الاخضر بنسيبه على ورقة جرنال يوم او يومين هو بيستوي و يسكر
- يقسم المشمشه نصفين و يوضع في حلة و يضاف عليه السكر و يترك فترة من نصف ساعة الى ساعة
-ثم يضاف فنجال صغير من الماء عليه و يوضع على النار ح ينزل ماء منه و يغلي فيه و يترك يغلي مش كتير بس يطرى المشمش
و ده شكله بعدالغليان هو اللي نزل الماية دي


و بعد ما يبرد يوضع في اكياس في الفريزر و عند الاستخدام يضرب في الخلاط و يصفى ح تشربي احلى عصير في الدنيا و على ضمانتي


الفراولة :

-تغسل جيدا و ينزع منها الجزء الاخضر
-توضع في حله و يضاف عليها كمية مناسبة من السكر
- ونعبيها على طول في اكياس حتى لا ينزل منها ماء و برضه ع الفريزر و تطلع م الفريزر على الخلاط



الخوخ


تغسل ثم توضع في ماء حار ثواني ثم توضع في ماء مثلج وتقشر وتقطع ويوضع عليها عصير ليمون وقليل من السكر وتقلب جيدا ثم تعبا في اكياس



المانجو

يقشر ويقطع ويرش بقليل من عصير الليمون ويحفظ



التفاح



يقشرويقطع ويوضع عليه عصير ليمون وسكر ثم يعبا في اكياس



التين


التين ايضا ما يعيش فتره طويله في الثلاجه قشريه وقطعيه وشيليه في الفريزر وممكن تاخذي منه كم حبه وتخلطيها مع اي نوع مربى تحبي بالذات البرتقال



البرتقال

يقشر ويقطع ويوضع عليه ماء وسكروحبة ليمون وجريب فروت مقشره ويحفظ

تحمي الماء والسكر وتحثم

ضعي القوارير في ماء يغلي ربع ساعه حتى تتعقمطيه عليه في البرطمانات





النعناع

يتغسل وينشال في الفريزر مع مراعاة وضعه على الماء الساخن فورا بدون مايفك ويكون الماء يغلي

.
القرنبيط


يغسل ويسلق قليلا ثم يجمد


الكرنب أو الملفوف



كيه واغسليه وافرميه وشيليه في الفريزر اذا تبغيه لخلطة الخضاراو للشوربه اما اذا تبغيه للمحشي اسلقيه وفككيه ورصيه في كيس في الفريزر